Аляксей Міхайлавіч Парэцкі — архітэктар, адукацыю атрымаў ў Маскоўскім архітэктурным інстытуце. Таксама скончыў Маскоўскі дзяржаўны універсітэт імя Ламаносава, факультэт гісторыі Усходняй Еўропы. Быў удзельнікам рэаліці-шоў "Бітва дызайнераў" на канале ТНТ.

25 ліпеня 2022 г. Магілеўскі абласны суд абвясціў прысуд мясцоваму жыхару, архітэктару Аляксею Парэцкаму. Суддзя Алена Картавенка прызнала 40-гадовага мужчыну вінаватым у паклёпе ў дачыненні да Лукашэнкі (ч. 2 арт. 367 КК РБ), а таксама ў распальванні сацыяльнай варожасці (ч. 1 арт. 130 КК РБ). Прычынай для крымінальнага пераследу сталі апублікаваныя Парэцкім паведамленні ў Інтэрнэце. У сукупнасці мужчыну было прызначанае пакаранне ў выглядзе трох гадоў пазбаўлення волі ў калоніі ва ўмовах агульнага рэжыму.

Сам Парэцкі да суда знаходзіўся пад падпіскай аб нявыездзе і ўжо ў зале суда яго ўзялі пад варту. Вядома, што мужчына мае 3-ю групу інваліднасці.

13 чэрвеня 2022 г. Камітэт дзяржаўнай бяспекі з невядомых прычын уключыў Аляксея Парэцкага ў спіс асоб, якія маюць дачыненне да "тэрарыстычнай дзейнасці".

Утрымліваўся ў магілёўскай Турме № 4. Актуальнае месцазнаходжанне высвятляецца.

"Бітва дызайнераў" у Расіі і "тэрарыстычны спіс" у Беларусі

25 ліпеня Магілеўскі абласны суд абвясціў прысуд мясцоваму жыхару, архітэктару Аляксею Парэцкаму