Вячаслаў Лазараў

Дата нараджэння: 29 жніўня 1976

Дата затрымання: 9 лютага 2023

Прад'яўленыя абвінавачванні:

арт. 361-4 Крымінальнага кодэкса — Садзейнічанне экстрэмісцкай дзейнасці

Вынік суда: 5 гадоў і 6 месяцаў

Від пакарання: пазбаўленне волі ў калоніі ва ўмовах узмоцненага рэжыму

Суддзя: Буруноў Яўген

Месца зняволення: ПК № 15

Затрыманне віцебскага журналіста Вячаслава Дзмітрыевіча Лазарава адбылося ўвечары 9 лютага 2023 года, два наступныя дні сваякі высвятлялі, дзе ён знаходзіцца і ў чым яго вінавацяць. Спачатку яго павезлі ў Следчы камітэт, і амаль суткі родныя не ведалі пра далейшы ягоны лёс. Толькі раніцай 11 лютага стала вядома, што Вячаслава трымаюць у віцебскім ІЧУ, але сутнасць абвінавачання па-ранейшаму пад пытаннем.

46-гадовага Вячаслава Лазарава затрымалі пасля ператрусу па месцы прапіскі. У яго забралі мабільныя тэлефоны і маленькую відэакамеру. Таксама ператрус сілавікі правялі па месцы прапіскі ягонай жонкі, там у выніку забралі ноўтбук і два тэлефоны. Жонка паведаміла праваабаронцам, што ў пастанове на ператрус нібыта было напісана пра крымінальную справу, распачатую супраць Вячаслава.

У 2018 і ў 2019 годзе Вячаслава Лазарава двойчы каралі штрафамі паводле ч. 2 арт. 22.9 КаАП за “незаконны выраб прадукцыі СМІ”. А ў 2020 годзе суд Кастрычніцкага раёна Віцебска скасаваў справу, распачатую ў дачыненні да яго паводле таго ж артыкула.

Падчас жнівеньскіх падзей 2020 года Лазарава таксама затрымлівалі, тады міліцыянты пратрымалі яго некалькі гадзін у ІЧУ і вызвалілі без складання пратакола.

Стала вядома, што яго абвінавачваюць паводле ч. 1 арт. 361-4 КК. Цяпер яго ўтрымліваюць у віцебскім СІЗА-2.

25 верасня 2023 г.  Вячаслава прысудзілі да 5 гадоў і 6 месяцаў пазбаўлення волі ў калоніі ўзмоцненага рэжыму.

Суддзя Віцебскага абласнога суда Яўген Буруноў разглядаў справу ў закрытым рэжыме.

На 21 лістапада 2023 г. прызначаны разгляд апеляцыйнай скаргі Вячаслава ў Вярхоўным судзе, у закрытым рэжыме. Старшыняваць на пасяджэнні празначаны суддзя Юрый Руткоўскі

22 лістапада 2023 г. суд разгледзеў апеляцыйныя скаргі на прысуд Віцебскага абласнога суда палітвязняў мужа і жонкі Таццяны Пыцько і Вячаслава Лазарава, і пастанавіў прызначыць палітзняволенай тыя ж тры гады пазбаўлення волі ў калоніі агульнага рэжыму, але з адтэрміноўкай выканання пакарання на тры гады. Пасля суда Таццяну павінны былі вызваліць з віцебскага СІЗА, дзе яна правяла амаль паўгода. Вячаславу паменшылі тэрмін на паўгода.

8 снежня 2023 г. унесены МУС у "спіс экстрэмістаў".

Пераведзены з СІЗА-2 ў ПК-15

Вызваліць і зменшыць тэрмін. Па выніках апеляцыі палітзняволеным сужэнцам змянілі прысуд

У выніку суддзя Юрый Руткоўскі пастанавіў прызначыць палітзняволенай тыя ж тры гады пазбаўлення волі ў калоніі агульнага рэжыму, але з адтэрміноўкай выканання пакарання на тры гады. Сёння Таццяну мусяць вызваліць з віцебскага СІЗА, дзе яна правяла амаль паўгода. Вячаславу зменшылі тэрмін на паўгады, паведамляе "Беларуская асацыяцыя журналістаў".

За супрацу з "Белсатам" судзяць сям'ю палітзняволеных

У Віцебску пачалі судзіць палітзняволеных відэааператара-фрылансера Вячаслава Лазарава і ягоную жонку Таццяну Пыцько. Мужчыну абвінавачваюць у супрацы з тэлеканалам "Белсат". Беларускай асацыяцыі журналістаў стала вядома, што Таццяну Пыцько таксама абвінавачваюць у тым, што яна быццам бы супрацоўнічала з тэлеканалам.

Сям'ю палітзняволеных асудзілі за супрацу з "Белсатам"

Палітзняволенага відэааператара Вячаслава Лазарава асудзілі да пяці з паловай гадоў пазбаўлення волі ў калоніі ўзмоцненага рэжыму, а ягоную жонку, палітзняволеную Таццяну Пыцько, — да трох гадоў пазбаўлення волі ў калоніі агульнага рэжыму.

Адрас для лістоў: ПК № 15. 213105, г. Магілёў, п/а Вейна, Слаўгарадская шаша, 183

Палітвязні знаходзяцца па адрасах:

Падтрымаць «Вясну»