Аляксей Ігаравіч Камароўскі асуджаны паводле арт. 364 (Гвалт альбо пагроза прымянення гвалту ў дачыненні да супрацоўнікаў органаў унутраных спраў), арт. 365 (Умяшальніцтва ў дзейнасць супрацоўніка органаў унутраных спраў) Крымінальнага кодэкса.

У судзе Савецкага раёна Мінска 17 лютага 2023 года суддзя Алена Жуковіч прызначыла Аляксею чатыры гады пазбаўлення волі ў калоніі ва ўмовах строгага рэжыму і кампенсацыю маральнай шкоды міліцыянту памерам 3000 рублёў. Справу пачалі разглядаць 9 лютага.

Напрыканцы траўня 2023 года Аляксей пачаў адбываць тэрмін у мазырскай калоніі № 20, дзе яго амаль адразу па прыбыцці змясцілі ў ШІЗА. У чэрвені праваабаронцам стала вядома, што супраць палітвязня ўзбудзілі крымінальную справу паводле арт. 369 КК (Абраза міліцыянта) — Аляксей нібыта пакінуў каментар у чаце. Мужчына ўтрымліваўся ў гродзенскай турме № 1.

Пераведзены ў ПК-20. 

Мужчыну абвінавацілі ў спробе збіць даішніка падчас пратэстаў і асудзілі на чатыры гады калоніі

У судзе Савецкага раёна Мінска 17 лютага асудзілі Аляксея Камароўскага паводле арт. 364 (Гвалт альбо пагроза прымянення гвалту ў дачыненні да супрацоўнікаў органаў унутраных спраў), арт. 365 (Умяшальніцтва ў дзейнасць супрацоўніка органаў унутраных спраў) Крымінальнага кодэкса. Суддзя Алена Жуковіч прызначыла Аляксею чатыры гады пазбаўлення волі ў калоніі ва ўмовах строгага рэжыму і кампенсацыю маральнай шкоды міліцыянту памерам 3000 рублёў.