Данііла Леанідавіча Зайца абвінавацілі ў арганізацыі і падрыхтоўцы дзеянняў, якія груба парушаюць грамадскі парадак (ч.1 арт 342 Крымінальнага кодэкса), абразе прадстаўніка ўлады (арт. 369) і гвалце, альбо пагрозе ўжывання гвалту ў дачыненні да супрацоўніка органаў унутраных спраў (арт. 364).

Судовы працэс, які пачаўся 20 студзеня, вёў суддзя Руслан Гурын.

Данііла Зайца, які працаваў у Гарадзенскім філіале “Белтэлекама” затрымалі за некалькі каментароў у сацыяльных сетках напачатку кастрычніка 2022 года і змясцілі да суда пад варту.

Суд Ленінскага раёна Гродна 23 студзеня 2023 года вынес прысуд і па сукупнасці пакаранняў прысудзіў Зайцу пазбаўленне волі ва ўмовах агульнага рэжыму тэрмінам на два гады.

Падрабязнасці крымінальнай справы пакуль невядомыя.

5 траўня 2023 года быў ўнесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Месца, дзе адбываў тэрмін палітвязень пасля турмы-1, невядомае.

Паводле падлікаў праваабаронцаў, выйшаў на волю 13 жніўня 2024 г. 

Гарадзенца асудзілі за абразу і пагрозу гвалту ў дачыненні да супрацоўніка міліцыі

Суд Ленінскага раёна Гродна 23 студзеня вынес прысуд Даніілу Зайцу.