Аляксей Барысавіч Іванісаў — былы вайсковец, сувязіст.

Быў затрыманы 29 верасня 2021 года ў межах крымінальнай справы, распачатай паводле двух артыкулаў Крымінальнага кодэксу: ч. 2 арт. 339 КК (Хуліганства) і арт. 342 КК (Групавыя дзеянні, што груба парушаюць грамадскі парадак). 

У сакавіку 2022 Аляксею замест вышэйзгаданых артыкулаў паставілі ў віну здзяйсненне злачынстваў, прадугледжаных ч. 2 арт. 290-4 КК (Стварэнне арганізацыі для ажыццяўлення тэрарыстычнай дзейнасці або ўдзел у ёй), ч. 3 арт. 130 КК (Распальванне варожасці ці варажнечы, якое было здзейсненае групай асобаў або пацягнула смерць ці цяжкія наступствы), ч. 6 арт. 16 ч. 3 арт. 361 (Саўдзел у закліках да дзеянняў, скіраваных на прычыненне шкоды дзяржаўным інтарэсам), ч. 1 арт. 359 (Акт тэрарызму ў дачыненні да дзяржаўнага ці грамадскага дзеяча).

13 траўня 2022 г. КДБ унёс Аляксея ў спіс асобаў, "датычных да тэрарыстычнай дзейнасці".

6 чэрвеня 2022 г. у Мінскім гарадскім судзе распачаўся разгляд справы палітвязня. 28 верасня суддзя Анастасія Папко прызначыла яму 14 гадоў калоніі ва ўмовах узмоцненага рэжыму і штраф у 500 базавых.

Напрыканцы кастрычніка Аляксея перавялі з СІЗА-1 у магілёўскую СТ № 4.

У Вярхоўным судзе 28 лютага 2023 г. у закрытым рэжыме разглядзелі апеляцыйныя скаргі палітзняволеных па справе ініцыятывы "Буслы ляцяць". Судовая калегія пад старшынствам суддзі Паўла Каршуновіча пакінула апеляцыйныя скаргі без задавальнення, а прысуд — у сіле. 

Да 15 гадоў калоніі — абвешчаны прысуды шасці фігурантам справы ініцыятывы "Буслы ляцяць"

Справу ў закрытым рэжыме разглядалі амаль чатыры месяцы. Дзяржаўнае абвінавачванне па справе падтрымлівала пракурорка Юлія Ланеўская.

Сёння распачынаецца суд па справе "Буслы ляцяць"

Перад судом, 13 траўня гэтага года, стала вядома, што Аляксея Іванісава і Аляксея Гамезу, а таксама Андрэя Будая і Аляксандра Мураўёва ўнеслі ў "тэрарыстычны спіс" КДБ. Падставай для ўключэння іх у спіс паслужыла прад'яўленае ім абвінавачанне па артыкуле 359 Крымінальнага кодэкса Беларусі (акт тэрарызму ў дачыненні да дзяржаўнага або грамадскага дзеяча).