Аляксандр Жалязоўскі
Дата нараджэння: 9 снежня 1971
Дата затрымання: 21 верасня 2021
Прад'яўленыя абвінавачванні:
арт. 369 Крымінальнага кодэкса — Абраза прадстаўніка ўлады
Вынік суда: 3 гады
Від пакарання: абмежаванне волі з накіраваннем у папраўчую ўстанову адкрытага тыпу ("хімія")
Суддзя: Будрэвіч Сяргей
Пракурор: Шкурко Іван
Месца зняволення: Папраўчая ўстанова адкрытага тыпу № 7
Аляксандр Мікалаевіч Жалязоўскі — былы супрацоўнік МУС. Яго асудзілі за абразу ў інтэрнэце прадстаўніка ўлады (арт. 369 КК).
Справу разбіраў суддзя Сяргей Будрэвіч. У якасці дзяржаўнага абвінаваўцы выступаў пракурор Шкурко. Пацярпелы — участковы міліцыянт з Бабруйску Андрэй Комар — на пасяджэннях не прысутнічаў.
7 снежня 2021 года суд Кастрычніцкага раёну Віцебску агучыў прысуд у справе. Суддзя Сяргей Будрэвіч прызнаў Жалязоўскага вінаватым у злачынстве, прадугледжаным арт. 369 КК, і цалкам задаволіў патрабаванні пракурора. Прысуд: тры гады абмежавання волі з накіраваннем у папраўчую ўстанову адкрытага тыпу. Задаволеныя таксама пазоўныя патрабаванні пацярпелага Комара аб кампенсацыі маральнай шкоды. Жалязоўскі мусіць выплаціць яму 1000 рублёў.
Былому міліцыянту прысудзілі тры гады «хіміі» за каментар у Аднакласніках
