Аляксандр Мазур

Палітвязень

Дата нараджэння: 22 сакавіка 1974

Прад'яўленыя абвінавачванні:

арт. 361-1 Крымінальнага кодэкса — Стварэнне экстрэмісцкага фармавання або ўдзел у ім

Месца зняволення: Следчая турма № 8

Заява аб прызнанні палітвязнем

Аляксандр Іванавіч Мазур быў затрыманы ў лістападзе 2024 года ў Жодзіне.

У гэты ж час прызналі "экстрэмісцкімі матэрыяламі" сайт ініцыятывы "письмо.бел", а таксама старонкі яе ў сацсетках. Яшчэ праз месяц КДБ прызнаў ініцыятыву "экстрэмісцкім фармаваннем". Паводле ведамства, Аляксандр Мазур, а таксама Павел Каранюхін і Аляксандр Лыкшын маюць дачыненне да "письмо.бел". Цяпер мужчыны знаходзяцца ў СТ-8, іх абвінавачваюць паводле арт. 361-1 Крымінальнага кодэкса (стварэнне экстрэмісцкага фарміравання або ўдзел у ім).

Траіх жыхароў Жодзіна змясцілі ў СІЗА. Па версіі КДБ, яны маюць дачыненне да ініцыятывы "письмо.бел"

"Письмо.бел" — сэрвіс для адпраўкі лістоў зняволеным, якім карысталіся тысячы беларусаў. Ініцыятыва ў тым ліку дапамагала беларусам заставацца на сувязі з палітзняволенымі, нягледзячы на вымушаную эміграцыю. Пры гэтым толькі 10% лістоў сыходзіла палітвязням, у асноўным сэрвіс быў разлічаны на звычайных асуджаных. Таксама карыстальнікі прымалі ўмовы рэсурсу — не парушаць патрабаванні МУС і не адпраўляць забароненую інфармацыю.