Аляксандр (Алесь) Мікалаевіч Любянчук — журналіст, яго затрымалі 26 траўня 2022 пасля ператрусу. Алесь шмат займаўся дабрачыннасцю, дапамагаў дзецям-сіротам, арганізоўваў турыстычныя паходы і аднаўляў гісторыка-культурную спадчыну Наваградчыны.

Яму выставілі абвінавачванне паводле ч. 3 арт. 361-1 КК (стварэнне экстрэмісцкага фармавання або ўдзел у ім).

Справу журналіста разглядалі ў Мінгарсудзе. 27 кастрычніка 2022 г. палітвязня прызналі вінаватым і асудзілі да трох гадоў зняволення ў калоніі ва ўмовах агульнага рэжыму.

Неўзабаве палітвязня перавялі з СІЗА-1 у жодзінскую СТ № 8, а пасля — у Турму № 4.

24 студзеня 2023 г. Вярхоўны суд разгледзеў апеляцыйную скаргу Алеся: прысуд быў пакінуты без зменаў.

2 лютага палітвязня накіравалі ў магілёўскую ПК № 15. Але па прыбыцці, пакуль Алесь быў на каранціне, адміністрацыя калоніі ўжо пазбавіла яго пасылак, перадач і спатканняў тэрмінам на тры месяцы за парушэнне "правілаў унутранага распарадку".

МУС ўключыў Алеся ў "спіс экстрэмістаў" 17 лютага 2023 г.

У пачатку лістапада 2023 г. стала вядома, што ў Алеся за кратамі пачаліся праблемы з хрыбетнікам (яшчэ год таму). "Яму цяжка займацца нават спортам, чым там усе ратуюцца. Гэта яго заўважна засмучае", — паведаміла крыніца "Радыё Свабода".

Працуе Алесь на ачыстцы дратоў ад ізаляцыі.

Вынесены прысуд журналісту Алесю Любенчуку

З лістоў журналіста на волю вядома, што ў СІЗА № 1 Мінска, дзе яго ўтрымлівалі да суда, у Любянчука значна пагоршылася здароўе.

У Мінску па "экстрэмісцкім" артыкуле пачалі судзіць журналіста Алеся Любянчука

Мінскі гарадскі суд 24 кастрычніка пачаў разгляд крымінальнай справы, заведзенай на чарговага незалежнага журналіста, палітзняволенага Алеся Любянчука.