Алег Аляксандравіч Ермакоў — юрыст першага класу і былы супрацоўнік пракуратуры. Быў затрыманы паводле абвінавачвання ў перадачы дадзеных супрацоўнікаў праваахоўных органаў пратэсным інфармацыйным рэсурсам.

Жанаты, мае дзвюх непаўналетніх дачок.

18 лістапада 2022 г. у Мінскім гарадскім судзе палітвязня прызналі вінаватым у незаконным зборы ці распаўсюдзе інфармацыі аб прыватным жыцці (ч. 1 арт. 179, выключаны з Кодэкса 26 траўня 2021 года) і распальванні іншай сацыяльнай варожасці (ч. 1 арт. 130 Крымінальнага кодэкса). Суддзя Сяргей Хрыпач пакараў мужчыну пазбаўленнем волі ў калоніі ва ўмовах узмоцненага рэжыму тэрмінам на шэсць гадоў.

КДБ уключыў палітвязня ў "спіс тэрарыстаў" 29 сакавіка 2023 г.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

У красавіку 2023 г. Алега этапавалі з СІЗА-1 у ПК № 3.

Былога работніка пракуратуры асудзілі да шасці гадоў калоніі за перадачу інфармацыі аб сілавіках пратэсным рэсурсам

Справа былога работніка пракуратуры, жыхара Мінска Алега Ермакова разгледжаная Мінскім гарадскім судом 18 лістапада.