Аксана Генрыхаўна Ляпко была затрымана 23 студзеня 2024 года падчас рэйду па сваяках і блізкіх палітвязняў і атрымальнікаў дапамогі ад IneedHelp.

Першапачаткова жанчыну змясцілі ў СІЗА і прад'явілі абвінавачванне паводле арт. 361-2 КК (фінансаванне экстрэмісцкай дзейнасці).

Утрымлівалася ў следчай турме № 1. 

16 верасня 2024 г. у Гродненскім абласным судзе пачаўся разгляд справы Аксаны паводле ч. 2 і ч. 1 арт. 361-4 (садзейнічанне экстрэмісцкай дзейнасці). 20 верасня суддзя Валерый Раманоўскі асудзіў жанчыну на тры гады пазбаўлення волі ў калоніі ва ўмовах агульнага рэжыму. 

Пракурор Дзяніс Корда запытваў для жанчыны 3 гады і 6 месяцаў калоніі.

22 лістапада 2024 г. адбыўся разгляд апеляцыйнай скаргі ў Вярхоўным судзе. Старшыня судовай калегіі Аляксей Хлышчанкоў.

13 снежня 2024 г. унесена МУС у "спіс экстрэмістаў".

Адбывае тэрмін у ПК № 4.

Палітзняволеную Аксану Ляпко асудзілі на тры гады калоніі

У Гродненскім абласным судзе 20 верасня скончыўся судовы працэс над палітзняволенай Аксанай Ляпко паводле ч. 2 і ч. 1 арт. 361-4 (садзейнічанне экстрэмісцкай дзейнасці). Суддзя Валерый Раманоўскі асудзіў пяцідзесяцігадовую жанчыну на тры гады пазбаўлення волі ў калоніі ва ўмовах агульнага рэжыму.