Вячаслаў Аляксандравіч Маляйчук — ураджэнец Піншчыны, экскаватаршчык. Яго абвінавацілі па шэрагу артыкулаў Крымінальнага кодэксу: ч. 1 арт. 14 і ч. 1 арт. 289, ч. 1 арт. 13 ч. 3 арт. 289 (падрыхтоўка і замах на акт тэрарызму), ч. 3 і ч. 4 арт. 295 (незаконныя дзеянні ў дачыненні да выбуховых рэчываў), ч. 1 арт. 295-3 (незаконныя дзеянні ў дачыненні да прадметаў, дзеянне якіх заснавана на выкарыстанне гаручых рэчываў).

26 сакавіка 2021 года МУС заявіла, што прадухіліла тэракты ў Чыжоўцы і ў вайсковай частцы ў Печах. На відэа паказалі Вячаслава Малейчука, які казаў, што атрымаў загад ад кагосьці з BYPOL.

Пасля затрымання КДБ уключыў Вячаслава і астатніх фігурантаў гэтай справы ў спіс асобаў, якія "маюць дачыненне да тэрарыстычнай дзейнасці".

Судовая калегія пад старшынствам суддзі Уладзіміра Арэшкі 30 траўня 2022 г. прызначыла яму пакаранне ў выглядзе 22 гадоў калоніі ва ўмовах строгага рэжыму. Суд доўжыўся ў закрытым рэжыме тры тыдні.

Утрымліваўся ў СІЗА КДБ. Адбывае пакаранне ў ваўкавыскай ПК № 11.

10 лютага 2023 г. у судзе Ваўкавыскага раёна супраць Вячаслава распачалі справу за "злоснае непадпарадкаванне патрабаванням адміністрацыі калоніі" паводле ч. 1 арт. 411 КК. Суддзя Мікалай Сяргейка прызнаў яго вінаватым і пакараў пазбаўленнем волі тэрмінам на адзін год. Пасля прысуду Малейчука накіравалі ў папраўчую калонію № 9 у Горкі, вядомую сваім жорсткім рэжымам.

Новы суд, ужо па ч. 2 арт. 411 Крымінальнага кодэкса адбыўся 23 жніўня 2023 года ў выязным пасяджэнні суда Горацкага раёна непасрэдна ў калоніі. Абвінавачаны ў судовым пасяджэнні сваю віну ў здзяйсненні злачынства не прызнаў. Ад дачы паказанняў адмовіўся. Суддзя Алена Вераб'ёва дадала да агульнага тэрміну яшчэ два гады пазбаўлення волі.

Па сутнасці абвінавачання Малейчук катэгарычна адмаўляўся выходзіць на працу ў першую змену на дрэваапрацоўчы ўчастак калоніі. Напачатку яго змясцілі ў ШІЗА, затым на адзін месяц перавялі ў памяшканне камернага тыпу.

Такім чынам, па сукупнасці прысудаў, да двух гадоў пазбаўлення волі суд часткова далучыў 20 гадоў 5 месяцаў пазбаўлення волі  (тэрмін, які палітвязню заставалася адбыць з улікам адбытага да новага прысуду) з неадбытай часткі пакарання і канчаткова прызначыў Малейчуку пакаранне ў выглядзе пазбаўлення волі тэрмінам на 22 гады і 5 месяцаў з адбыццём пакарання ў калоніі ва ўмовах строгага рэжыму.

Агульны тэрмін пакарання на сёння, з улікам ужо адбытага і новых судоў - 25 год. 

22 гады калоніі прызначылі Вячаславу Малейчуку за "падрыхтоўку тэрактаў" на Дзень Волі ў 2021 годзе

30 траўня ў Мінскім абласным судзе агучылі прысуд 37-гадоваму ўраджэнцу Піншчыны Вячаславу Малейчуку па "факце арганізацыі 25 сакавіка 2021 актаў тэрарызму ў гарадах Барысаве і Мінск". Яго абвінавацілі па шэрагу артыкулаў Крымінальнага кодэксу: ч. 1 арт. 14 і ч. 1 арт. 289, ч. 1 арт. 13 ч. 3 арт. 289 (падрыхтоўка і замах на акт тэрарызму), ч. 3 і ч. 4 арт. 295 (незаконныя дзеянні ў дачыненні да выбуховых рэчываў), ч. 1 арт. 295-3 (незаконныя дзеянні ў дачыненні да прадметаў, дзеянне якіх заснавана на выкарыстанне гаручых рэчываў). Судовая калегія пад старшынствам суддзі Уладзіміра Арэшкі прызначыла яму пакаранне ў выглядзе 22 гадоў калоніі ва ўмовах строгага рэжыму. Менавіта такое пакаранне запрасіў на судзе прадстаўнік Генеральнай пракуратуры. Суд доўжыўся ў закрытым рэжыме тры тыдні.

Палітвязня двойчы за год асудзілі за "злоснае непадпарадкаванне патрабаванням адміністрацыі калоніі" і дадалі да 22 год калоніі яшчэ тры гады

Палітзняволенага жыхара Брэскай вобласці Вячаслава Малейчука двойчы за год асудзілі за "злоснае непадпарадкаванне патрабаванням адміністрацыі калоніі" паводле арт. 411 Крымінальнага кодэкса.