Журналістка Таццяна Анатольеўна Некрашэвіч нарадзілася ў Баранавічах, але апошнія некалькі гадоў жыве ў Мінску. Раней працавала ў баранавіцкай газеце “Intex-press”, а таксама прадзюсаркай дырэкцыі інфармацыйнага вяшчання СТВ. У сярэдзіне сакавіка жанчына разам з дачкой Марыей была затрымана сілавікамі.

Таццяну абвінавачваюць паводле арт. 342 Крымінальнага кодэкса (Актыўны ўдзел у дзеяннях, якія груба парушаюць грамадскі парадак).

Суд над маці і дачкой адбыўся 29 траўня 2023 года ў судзе Савецкага раёна Мінска. Суддзя Алена Жуковіч прызнала абедзвюх вінаватымі і прысудзіла абмежаванне волі без накіравання ў папраўчую ўстанову адкрытага тыпу ("хатнюю хімію").

Палітзняволеную вызвалілі з-пад варты ў зале суда. Яна ўтрымлівалася ў Следчай турме № 8.

23 чэрвеня 2023 года была ўнесена ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.