Сяргей Адзярыха

Палітвязень

Дата затрымання: 10 кастрычніка 2021

Прад'яўленыя абвінавачванні:

арт. 426 Крымінальнага кодэкса — Перавышэнне ўлады ці службовых паўнамоцтваў

Вынік суда: 5 гадоў

Від пакарання: пазбаўленне волі ў калоніі ва ўмовах агульнага рэжыму

Суддзя: Волк Аляксандр

Групы: Дзяржслужачыя

Заява аб прызнанні палітвязнем

Сяргей Адзярыха

Сяргей Анатольевіч Адзярыха — былы намеснік гендырэктара "БелТА" па ідэалагічнай працы. Ён асуджаны да 5 гадоў калоніі за "злівы" тэлеграм-каналу "Нік і Майк".

Актуальнае месцазнаходжанне ўдакладняецца.

Намгендырэктара «БелТА» па ідэалогіі асудзілі да пяці гадоў калоніі за «злівы» тэлеграм-каналу «Нік і Майк»

У судзе Савецкага раёна Мінска 10 студзеня да пяці гадоў калоніі за перавышэнне службовых паўнамоцтваў (ч. 2 арт. 426 Крымінальнага кодэкса) асудзілі нядаўняга намесніка генеральнага дырэктара «БелТА» па ідэалагічнай працы Сяргея Адзярыху. Роўна два гады таму ў гэты дзень былога чыноўніка асабіста ўзнагароджваў Лукашэнка за «высокі прафесіяналізм і значны асабісты ўнёсак у развіццё дзяржаўнай інфармацыйнай палітыкі». Цяпер Адзярыха асуджаны за перадачу прадстаўніку «Народнага антыкрызіснага ўпраўлення» і тэлеграм-каналу «Нік і Майк» службовай інфармацыі, якая знаходзілася ў ягоным распараджэнні. Матыў — «пазбяганне люстрацыі пасля змены ўлады». Да суда намеснік гендырэктара «БелТА» па ідэалогіі знаходзіўся пад вартай. Прысуд вынес суддзя Аляксандр Волк, Адзярыха яго ўжо абскардзіў як празмерна строгі, але безвынікова. «Вясна» распавядае, што вядома па справе.