Мікіта Траццякевіч

Дата нараджэння: 10 жніўня 1989

Дата затрымання: 15 кастрычніка 2020

Прад'яўленыя абвінавачванні:

арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў

Вынік суда: 3 гады

Від пакарання: пазбаўленне волі ў калоніі ва ўмовах агульнага рэжыму

Суддзя: Волк Аляксандр

Пракурор: Рабаў Уладзімір

Месца зняволення: ПК № 3

Заява аб прызнанні палітвязнем

Мікіта Андрэевіч Траццякевіч — байкер з Мінска. Яго абвінавацілі у гвалце ў дачыненні да супрацоўніка міліцыі паводле арт. 364 Крымінальнага кодэкса.

Інцыдэнт адбыўся 19 верасня 2020 г. каля ГЦ “Еўропа”, калі невядомыя сталі затрымліваць аднаго з матацыклістаў, а астатнія пачалі яго абараняць. Мікіту затрымалі напрыканцы кастрычніка ў межах распачатай паводле гэтага інцыдэнту крымінальнай справы. Таксама былі затрыманыя яшчэ два чалавекі — Мікіта Афанасьеў і Андрэй Іванюшын.

26 лютага 2021 г. у судзе Савецкага раёна Мінска быў абвешчаны прысуд байкерам. Мікіта Траццякевіч атрымаў тры гады пазбаўлення волі ў калоніі агульнага рэжыму.

Вядома, што ў траўні 2022 г. Мікіту змяшчалі ў калоніі ў ШІЗА.

Прысуд па справе мінскіх байкераў: усіх траіх — у калонію агульнага рэжыму

У судзе Савецкага раёна Мінска 26 лютага вынесены прысуд па справе сталічных байкераў, якія вызвалілі свайго знаёмага з міліцэйскага аўтамабіля.

Справа сталічных байкераў: што кажуць пацярпелыя супрацоўнікі міліцыі?

У судзе Савецкага раёна Мінска 18 лютага пасля доўгага перапынку працягнуўся судовы працэс па справе сталічных байкераў.

Байкеры адбілі ў ціхароў свайго — цяпер ім пагражае зняволенне

На лаве падсудных — Андрэй Іванюшын, Мікіта Афанасьеў, Мікіта Траццякевіч. Усіх іх абвінавачваюць у гвалце ў дачыненні да супрацоўнікаў міліцыі па арт. 364 КК.

У Мінску за патасоўку з міліцыянерамі судзяць байкераў, а ў залу суда пусцілі толькі родных і СМІ

У судзе Савецкага раёна Мінска 4 студзеня ў 11.00 распачаўся разгляд крымінальнай справы супраць байкераў.