Міхаіл Пятровіч Шабалюк — жыхар Брэста, асуджаны да трох гадоў калоніі па абвінавачванні паводле артыкула 363 КК РБ (супраціў супрацоўнікам міліцыі) за падзеі 9 жніўня 2020 года ў горадзе.

Згодна з абвінавачваннем, ён разам з іншым палітвязнем Аляксандрам Бабічам і іншымі людзьмі "з адзіным злачынным намерам" спрабаваў нанесці ўдары сілавіку Русілаву. Бабіч сцвярджаў, што толькі адзін раз замахнуўся нагой, пры гэтым ніякага адзінага злачыннага намеру ў ягоных дзеяннях не было.

23 снежня 2020 года ў судзе Маскоўскага раёна Брэста быў вынесены прысуд Аляксандру Бабічу і Міхаілу Шабалюку. Дзяржабвінаваўца папрасіла пакаранне для Бабіча ў выглядзе пазбаўлення волі на 3 гады і 6 месяцаў з адбываннем у калоніі агульнага рэжыму. Для Міхаіла Шабалюка — на тэрмін у 3 гады ва ўмовах калоніі агульнага рэжыму. І менавіта такі прысуд вынес суддзя Яўген Брэган.  

МУС у лістападзе 2022 г. дадала палітвязня ў спіс "асобаў, датычных да экстрэмісцкай дзейнасці".

5 жніўня 2023 г. цалкам адбыў тэрмін і выйшаў на волю з ПК-17. 

Двух берасцейцаў асудзілі на тры з паловай і тры гады калоніі за супраціў міліцыі

23 снежня ў судзе Маскоўскага раёна Брэста быў вынесены прысуд Аляксандру Бабічу і Міхаілу Шабалюку, абвінавачаным паводле артыкула 363 КК РБ (супраціў супрацоўнікам міліцыі) за падзеі жніўня 2020. Дзяржабвінаваўца папрасіла пакаранне для Бабіча ў выглядзе пазбаўлення волі на 3 гады і 6 месяцаў з адбываннем у калоніі агульнага рэжыму. Для Шабалюка Міхаіла - на тэрмін у 3 гады ва ўмовах калоніі агульнага рэжыму. І менавіта такі прысуд вынес суддзя Яўген Брэган.