Марыя Жук
Дата затрымання: 4 жніўня 2022
Прад'яўленыя абвінавачванні:
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: невядомы
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Кацэр Сяргей
Марыя Міхайлаўна Жук — жонка ўладальніка мінскага бара "Банки-бутылки" Андрэя Жука. Марыю і яе мужа затрымалі пасля таго, як у бары 3 жніўня 2022 г. выступіла спявачка Мерыем Герасіменка з песняй у падтрымку Украіны. На наступны дзень пасля канцэрту ў "Банки-бутылки" прыйшлі праверкі з санстанцыі і МНС, тады ж была затрымана Марыя і ейны муж Андрэй Жук.
Марыю абвінавачвалі паводле ч. 1 арт. 342 Крымінальнага кодэксу (Актыўны ўдзел у групавых дзеяннях, якія груба парушаюць грамадскі парадак).
У судзе Маскоўскага раёна Мінска 31 студзеня 2023 г. разглядалі справу палітзняволенай і ейнага мужа. Прысуд, які суддзя Сяргей Кацэр вынес у дачыненні да Марыі, высвятляюць праваабаронцы. Паводле наяўнай інфармацыі, ён не звязаны са зняволеннем.