Максім Дзмітрыевіч Хмяльніцкі быў затрыманы і змешчаны ў СІЗА за ўдзел у акцыі пратэсту ў Баранавічах.

14 чэрвеня 2024 у судзе Баранавічаў і Баранавіцкага раёна распачаўся разгляд крымінальнай справы паводле арт. 342 КК (Актыўны ўдзел у групавых дзеяннях, якія груба парушаюць грамадскі парадак). Па ёй судзяць Максіма і яшчэ восем чалавек. Суддзя — Сафія Хвалько, якая прысудзіла Максіму 2 гады пазбаўлення волі ў калоніі. Вядома, што палітвязень цалкам прызнаў віну. 

Утрымліваецца ў СІЗА №6.

27 верасня 2024 г. у Брэсцкім абласным судзе адбыўся разгляд апеляцыйнай скаргі. Старшыня судовай калегіі Сяргей Беразюк.

11 кастрычніка 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.