Кірыл Віктаравіч Гняздзілаў з 2007 года працаваў у міліцыі, адкуль звольніўся ў жніўні 2020 года і перайшоў працаваць у сферу IT. Берасцейца затрымалі проста на мяжы, калі той вярнуўся з Польшчы наведаць жонку і дзяцей. У суседняй краіне мужчына жыў апошнія паўгады.

Суд праходзіў у закрытым рэжыме. Справу разглядалі цягам шасці судовых пасяджэнняў. Вядома, што яна звязаная з "Чорнай кнігай Беларусі".

У Брэсцкім абласным судзе 3 жніўня 2023 года яго асудзілі паводле ч. 6 арт. 16 і ч. 1 арт. 130 (Садзейнічанне распальванню іншай сацыяльнай варожасці), ч. 1 арт. 179 (Незаконныя дзеянні ў дачыненні інфармацыі аб прыватным жыцці) Крымінальнага кодэкса. Суддзя Андрэй Лешчанка прызначыў Кірылу восем гадоў калоніі ўзмоцненага рэжыму. Таксама яму прысудзілі выплаціць кампенсацыю маральнай шкоды двум пацярпелым (2000 і 1000 рублёў адпаведна) і былога міліцыянта пазбавілі капітанскага звання.

20 кастрычніка 2023 г. МУС дадала Кірыла ў "спіс экстрэмістаў".

24 кастрычніка 2023 г. КДБ дадаў Кірыла ў "спіс тэрарыстаў".

У пачатку лістапада 2023 г. стала вядома, што Кірыл пераведзены з СІЗА-7 ў ПК № 3. 

Былога міліцыянта затрымалі на мяжы па вяртанні з Польшчы і асудзілі на 8 гадоў калоніі

У Брэсцкім абласным судзе 3 жніўня 2023 года асудзілі Кірыла Гняздзілава.