Юрый Сянькоў

былы чыноўнік

Дата нараджэння: 7 чэрвеня 1984

Дата затрымання: 30 красавіка 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 368 Крымінальнага кодэкса — Абраза прэзідэнта Рэспублікі Беларусь

Вынік суда: 3 гады

Від пакарання: пазбаўленне волі ў калоніі ва ўмовах агульнага рэжыму

Суддзя: Шоцік Таццяна

Пракурор: Даўгала Юлія

Месца зняволення: ПК № 1

Заява аб прызнанні палітвязнем

Юрый Уладзіміравіч Сянькоў — былы начальнік фінансавага аддзела адміністрацыі Ленінскага раёна Мінска. Ягоны брат таксама палітвязень.

Юрыя затрымалі 30 красавіка 2021. Яго пяць разоў асудзілі па адміністрацыйных справах, у выніку чаго ён атрымаў 50 сутак арышту. Затым яго перавялі ў СІЗА ўжо па крымінальнай справе.

Яго абвінавацілі па двух артыкулах Крымінальнага кодэкса: па артыкуле 342 КК (Удзел у групавых дзеяннях, якія груба парушаюць грамадскі парадак) — за ўдзел у акцыях пратэсту 16 і 23 жніўня 2020 года, і па артыкуле 368 КК (Абраза прэзідэнта) — за рэпост у тэлеграме. 25 жніўня 2021 суддзя Таццяна Шоцік прысудзіла Юрыю тры гады пазбаўлення волі ў калоніі агульнага рэжыму.

Утрымліваўся ў СІЗА-1, на пачатку лютага 2022 стала вядома аб пераводзе Юрыя ў ПК № 1.

Мінскі чыноўнік атрымаў тры гады калоніі за ўдзел у самых масавых жнівеньскіх акцыях і за абразу Лукашэнкі

У судзе Ленінскага раёна Мінска прайшоў разгляд крымінальнай справы супраць начальніка фінансавага аддзела адміністрацыі Ленінскага раёна Юрыя Сянькова, якога абвінавацілі па двух артыкулах Крымінальнага кодэкса: па артыкуле 342 КК (Удзел у групавых дзеяннях, якія груба парушаюць грамадскі парадак) — за ўдзел у акцыях пратэсту 16 і 23 жніўня 2020 года, і па артыкуле 368 КК (Абраза прэзідэнта) — за рэпост у тэлеграме. Мужчына атрымаў тры гады калоніі агульнага рэжыму. Справу разглядала суддзя Таццяна Шоцік, бок дзяржабвінавачвання прадстаўляла пракурорка Юлія Даўгала.