Юрый Пятровіч Лагадзюк — адзін з найлепшых беларускіх трэнераў па настольным тэнісе. 

Ён прысвяціў сваё жыццё рэабілітацыі людзей з інваліднасцю праз настольны тэніс. Яго гадаванцы нярэдка выйграюць на чэмпіянатах як у Беларусі, гэтак і ў іншых краінах. Мужчына дапамог сотням людзей з інваліднасцю жыць звычайным жыццём.

Яго судзяць за «садзейнічанне экстрэмісцкай дзейнасці» паводле ч. 1 арт. 361-4 Крымінальнага кодэкса. Сутнасць абвінавачвання праваабаронцам невядомая. 

Брэсцкі абласны суд 25 ліпеня 2024 г. асудзіў Юрыя да двух гадоў калоніі. Прысуд вынес Андрэй Сіз. 

Утрымліваецца ў СІЗА № 7. 

19 кастрычніка 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Разгляд апеляцыйнай скаргі адбыўся ў Вярхоўным судзе 11 кастрычніка 2024 г. Старшыня судовай калегіі Сяргей Гураў.

25 кастрычніка 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці другі раз.

Аднаго з найлепшых беларускіх трэнераў па настольным тэнісе асудзілі да 2 гадоў калоніі

Брэсцкі абласны суд 25 ліпеня асудзіў 63-гадовага трэнера па настольным тэнісе Юрыя Лагадзюка да двух гадоў калоніі, піша "Берасцейская Вясна". Яго прызналі вінаватым паводле ч. 1 арт. 361-4 Крымінальнага кодэксу за "садзейнічанне экстрэмісцкай дзейнасці". Сутнасць абвінавачвання праваабаронцам невядомая. Прысуд вынес Андрэй Сіз.