Юрый Валер'евіч Бялько паводле адукацыі інжынер СПА, скончыў Вайсковую акадэмію. Працаваў менеджарам па продажах. Юрый быў затрыманы па справе аб масавых беспарадках у ноч з 29 на 30 верасня 2020 года.

Пасля яму было прад’яўленае абвінавачванне паводле ч. 1 арт. 13 і ч. 2 арт. 293 Крымінальнага кодэкса (падрыхтоўка да масавых беспарадкаў), ч. 1 арт. 13 і ч. 3 арт. 218 (падрыхтоўка да знішчэння маёмасці), ч. 2 арт. 295 (незаконныя дзеянні ў дачыненні да агнястрэльнай зброі, боепрыпасаў і выбуховых рэчываў).

Фігурант крымінальнай "справы чата". 

Першапачаткова па справе было 12 абвінавачаных. З восені 2020 года на волі знаходзіўся толькі Давід Слашчоў. Некалькі палітвязняў заявілі аб катаваннях падчас затрымання або напісання "чыстасардэчных прызнанняў".

Пасля затрымання ўсім мужчынам прад'явілі абвінавачванні па ч. 2 арт. 293 Крымінальнага кодэксу (удзел у масавых беспарадках). На судзе стала вядома, што ім таксама інкрымінуецца злачынства па ч.3 арт. 218 КК (наўмысныя знішчэнне альбо пашкоджанне чужой маёмасці). Апошні артыкул прад'яўлены праз арт.13 КК (падрыхтоўка да злачынства). Юрыю Бялько таксама выстаўленыя абвінавачванні паводле ч. 2 арт. 295 КК (незаконныя дзеянні ў дачыненні да агнястрэльнай зброі, боепрыпасаў і выбуховых рэчываў): пры ператрусе ў ягоным гаражы знайшлі зброю.

Усіх іх вінавацяць ва ўдзеле ва ўдзеле ў телеграм-чаце "радыкальнага напрамку". У паказаннях фігуруюць некалькі чатаў — у прыватнасці, "ОГСБ" (Отряд гражданской самообороны), "Подработка Минск", "100", "101". Акрамя гэтага — у намеры пашкодзіць або знішчыць тры "Табакеркі".

На судовым пасяджэнні адвакатка Юрыя адзначыла, што яе падабароннага затрымалі 29 верасня ў 19.40, але ліставанне з ягонага акаўнта працягвалася да 22.55. Адзін са слухачоў на пасяджэнні распавёў, што згодна з ліставаннем, агучаным у межах матэрыялаў справы, да 19.40 Юрый пісаў, што не прыедзе на сустрэчу, а пасля гэтага часу з ягонага тэлефона былі напісаныя паведамленні, што ён прыедзе і возьме з сабой "сумесь". Пры вобшуку гаража не было знойдзена сумесяў – толькі бензін і алей.

Слухач у залі таксама распавядаў, што стрэльбы, наганы, патроны і гільзы, знойдзеныя пры ператрусе ў Юрыя Бялько, не прызнаныя агнястрэльнай зброяй, бо яны няспраўныя. У Юрыя таксама былі знойдзеныя сем нажоў: толькі адзін з іх быў прызнаны халоднай зброяй. Наяўнасць у палітвязня зброі тлумачыцца тым, што ён, а таксама частка яго сям'і захапляюцца паляваннем.

Спачатку Юрыя Бялько змясцілі ў ІЧУ на Акрэсціна, затым перавялі ў СІЗА-1, а потым — у СІЗА г. Жодзіна. У лістападзе яго зноў вярнулі ў СІЗА-1.

19 ліпеня 2021 яго асудзілі да дзевяці гадоў пазбаўлення волі ва ўмовах узмоцненага рэжыму. 

На пачатку студзеня 2022 стала вядома аб пераводзе Юрыя з Турмы №4 у бабруйскую ПК №2.

У сярэдзіне красавіка 2022 праваабаронцы даведаліся, што ў калоніі Юрыя змясцілі ў ПКТ. Меркавана, яго будуць судзіць за злоснае непадпарадкаванне адміністрацыі папраўчай установы, а адміністрацыя бабруйскай калоніі дамагаецца, каб Бялько ўзмацнілі рэжым утрымання. Спачатку яго змясцілі на 30 сутак у ШІЗА, а потым перавялі на два месяцы ў памяшканне камернага тыпу.

13 красавіка 2022 года ў судзе Бабруйскага раёна і г. Бабруйска суддзя Антон Дудаль разгледзеў справу "аб пераводзе палітвязня Юрыя Бялько ў папраўчую ўстанову іншага тыпу і змене ўмоваў рэжыму". Суд пастанавіў перавесці Юрыя ў турму тэрмінам на тры гады.

25 красавіка 2022 года Юрый быў этапаваны з ПК №2 у жодзінскую СТ № 8.

У сярэдзіне траўня 2022 г. праваабаронцы дазналіся, што адміністрацыя жодзінскай турмы ўжо ў другі раз змясціла Бялько ў штрафны ізалятар. За апошнія пяць месяцаў Юрыя закідвалі ў ШІЗА пяць разоў, а апошнія два месяцы ў калоніі яго ўтрымлівалі ў ПКТ.

10 ліпеня 2024 г. адбыўся разгляд апеляцыйнай скаргі. Старшыня судовай камісіі Анастасія Папко.

Сваякі палітвязняў па справе чата: "Па парушэннях у судзе можна напісаць цэлую кнігу"

19 ліпеня 2021 года суддзя Дзмітрый Астапенка вынес прысуды адзінаццаці палітвязням, якіх прызналі вінаватымі па артыкулах 218, 293, 295 Крымінальнага кодэкса. Іх пазбавілі волі на тэрмін ад пяці да дзевяці гадоў у калоніі ўзмоцненага рэжыму. Як разглядалі справу? 

Амаль месяц разглядаецца справа дзесяці палітвязняў: некаторыя з іх заяўляюць пра катаванні

«Вясна» распавядае, што вядома пра гэтую справу.

"У гэтай клетцы няма злачынцаў"

Што казалі ў спрэчках па справе аб удзельніках чата

Дзесяці палітвязням пракурор запрасіў ад пяці да дзевяці гадоў калоніі

Справу разглядае суддзя Дзмітрый Астапенка.

Дзесяцярых палітвязняў асудзілі па справе ўдзельнікаў чата

Іх пазбавілі волі на тэрміны ад пяці да дзевяці гадоў у калоніі ўзмоцненага рэжыму.