Ян Аляксейчыкаў асуджаны на 1 год калоніі паводле арт. 370 КК (Здзек з дзяржаўнай сімволікі).

Аляксейчыкава і Сяргея Алейнікава прызналі вінаватымі ў тым, што ўначы з 16 на 17 студзеня 2022 года ў аграгарадку Пакалюбічы Гомельскага раёна яны забраліся на дахі адміністрацыйных будынкаў, сарвалі дзяржаўныя сцягі з мясцовых Дома культуры і сельскага выканкама, а затым кінулі іх на зямлю. У гэты час яны знаходзіліся ў стане алкагольнага ап'янення. Бок дзяржабвінавачання быў упэўнены, што мужчыны дзейнічалі ў групе асобаў паводле папярэдняй змовы і хацелі "выказаць грэблівыя адносіны да дзяржаўнай сімволікі Рэспублікі Беларусь". 

Утрымліваўся ў СІЗА-3.

Па падліках праваабаронцаў, на сярэдзіну траўня 2023 г. палітвязень цалкам адбыў тэрмін і выйшаў на волю.

У Гомелі мужчын асудзілі да года калоніі кожнага: яны знялі дзяржаўныя сцягі з будынкаў

15 красавіка 2022 года ў судзе Гомельскага раёна да года пазбаўлення волі кожнага асудзілі 26-гадовых Сяргея Алейнікава і Яна Аляксейчыкава. Суддзя Тамара Застаўнецкая прызнала іх вінаватымі паводле арт. 370 Крымінальнага кодэкса.