Іван Уладзіміравіч Марозаў — адзін з пачынальнікаў беларускамоўнага ЖЖ. Пра яго затрыманне стала вядома 9 студзеня 2023 г. Тады паведамлялася, што мужчыну ставяць у віну ўдзел у пратэстах у 2020 годзе, а таксама відавочна жартаўлівы каментар пра тое, што ён атакаваў бы хаймарсамі спецназ, каб яны стаялі ў яго гаражы.

Праз два тыдні затрымалі і ягоную партнёрку Ганну Кавалёву. Цяпер іх абвінавачваюць паводле арт. 342 КК (актыўны ўдзел у дзеяннях, якія груба парушаюць грамадскі парадак).

Працэс над палітзняволенымі адбыўся 28 красавіка 2023 г. у судзе Першамайскага раёна Мінска. Суддзя Максім Трусевіч прызнаў іх вінаватымі і прызначыў ім па паўтара года зняволення.

Да разгляду апеляцыйнай скаргі быў пераведзены ў магілёўскую Турму № 4.

11 жніўня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Адбываў пакаранне ў ПК № 17.

17 красавіка 2024 выйшаў на волю.