Генадзь Борыс
Палітвязень
Дата затрымання: 9 жніўня 2022
Прад'яўленыя абвінавачванні:
- арт. 368 Крымінальнага кодэкса — Абраза прэзідэнта Рэспублікі Беларусь
Вынік суда: 3 гады
Від пакарання: абмежаванне волі з накіраваннем у папраўчую ўстанову адкрытага тыпу ("хімія")
Дата пачатку адбыцця пакарання: 14 лютага 2023
Суддзя: Паўлоўская Іна
Пракурор: Лышык
Месца зняволення: Папраўчая ўстанова адкрытага тыпу № 43
Генадзя Мікалаевіча Борыса затрымалі ўзброеныя амапаўцы 9 жніўня 2022 года ў Баранавічах на вуліцы Паркавай. Ён 55-гадовы ветэран вайны ў Афганістане.
10 жніўня яму прысудзілі 800 рублёў штрафу за за лайк пад інфармацыяй з экстрэмісцкага сайту (арт. 19.11 КаАП – «Выраб, распаўсюд і (альбо) захоўванне экстрэмісцкіх матэрыялаў»).
Борыса абвінавацілі ў абразе Аляксандра Лукашэнкі (ч. 1 арт. 368 Крымінальнага кодэкса) і знявазе дзяржаўных сімвалаў (арт. 370 Крымінальнага кодэкса).
Генадзь да суда знаходзіўся ў СІЗА.
У судзе Баранавіцкага раёна і Баранавіч 16 снежня 2022 года вынесены прысуд. Справу разглядала суддзя Іна Паўлоўская, абвінаваўца – Лышык.
Адвінавачанне запрасіла для Генадзя Борыса абмежаванне волі ва ўстанове адкрытага тыпу (“хімія”) тэрмінам на тры гады і шэсць месяцаў.
Суд паменшыў гэты тэрмін на паўгода і прысудзіў тры гады “хіміі”. Яго вызвалілі з-пад варты ў залі суда.
З 14 лютага 2023 года пачаў адбываць пакаранне ў ПУАТ № 43.
За абразу Лукашэнкі і дзяржсімвалаў "афганца" з Баранавіч асудзілі на тры гады "хіміі"
