Дзмітрый Міцкевіч
Былы палітвязень
Дата нараджэння: 2 чэрвеня 1963
Дата затрымання: 5 красавіка 2023
Прад'яўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 3 гады
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Пірожнікава Таццяна
Справы: Пратэсты Мінск
Дзмітрыя Артуравіча Міцкевіча разам з жонкай Аленай затрымалі 5 красавіка 2023 года. Іх забралі з працы і адвезлі ў Фрунзенскі РАУС. Дзмітрыя асудзілі да 13 сутак арышту, Алену — да 15 сутак, абодвух за "дробнае хуліганства". Пасля сутак сям'ю не выпусцілі, а прад'явілі абвінавачанне паводле арт. 342 Крымінальнага кодэксу. Цяпер яны знаходзяцца ў СІЗА-1.
18 ліпеня 2023 г. у судзе Маскоўскага раёна Мінска Дзмітрыя асудзілі паводле ч. 1 арт. 342 КК на тры гады абмежавання волі без накіравання ў папраўчую ўстанову адкрытага тыпу ("хатняй хіміі"). Яго вызвалілі з-пад варты ў зале суда.
11 жніўня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.
