Дзяніс Мечыслававіч Яроўскі быў затрыманы па справе аб дыскрэдытацыі Беларусі, па якой праходзілі іншыя палітзняволеныя — Дзмітрый Лукша і Паліна Палавінка. Дзянісу ставілі ў віну ч. 1 арт. 342 КК (Актыўны ўдзел у групавых дзеяннях, якія груба парушаюць грамадскі парадак).

18 лістапада 2022 г. у Мінскім гарадскім судзе распачаўся разгляд справы. 2 снежня вынеслі прысуд: суддзя Наталля Бугук прызначыла Дзянісу
паўтара года калоніі ва ўмовах агульнага рэжыму.

24 лютага 2023 г. адбыўся разгляд апеляцыйнай скаргі: прысуд палітзняволенаму пакінулі ў сіле.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

У красавіку 2023 г. Дзяніса этапавалі ў ПК № 3.

У канцы ліпеня 2023 г. палітвязень выйшаў на волю, цалкам адбыўшы тэрмін. Дзяніс пакінуў Беларусь. 

Былога журналіста БТ асудзілі да 4 гадоў калоніі, а яго жонку — да 2,5 гадоў. Па справе асудзілі яшчэ двух чалавек

Паводле версіі абвінавачвання, у 2020 годзе Лукша, яго жонка, двое іншых абвінавачаных таксама прымалі актыўны ўдзел у групавых дзеяннях, якія груба парушаюць грамадскі парадак у сталіцы.

​​Пачаўся суд над былым журналістам БТ Дзмітрыем Лукшой, яго жонкай і яшчэ трыма фігурантамі справы

У Мінскім гарадскім судзе 18 лістапада распачаўся суд над былым журналістам Белтэлерадыёкампаніі і пазаштатным карэспандэнтам казахстанскага тэлеканала "Хабар 24" Дзмітрыем Лукшой, яго жонкай Палінай Палавінкай, а таксама Анастасіяй і Дзянісам Яроўскімі, Канстанцінам Ніканоравым. Іх абвінавачваюць у "дыскрэдытацыі Беларусі", а таксама "актыўным удзеле ў групавых дзеяннях, якія груба парушаюць грамадскі парадак". Лукша, Палавінка і Ніканораў знаходзяцца пад вартай. Жонка Дзяніса Анастасія на суд не з'явілася — яе абвясцілі ў вышук. Паведамляецца, што Дзмітрый Лукша прызнаў віну цалкам і часткова. Справу разглядае суддзя Наталля Бугук. Працэс пачаўся з вывучэння пісьмовых матэрыялаў справы.