Паліна Аляксандраўна Палавінка была затрымана 2 чэрвеня 2022 года ў межах крымінальнай справы паводле двух артыкулаў Крымінальнага кодэксу: арт. 342 КК — актыўны ўдзел у групавых дзеяннях, якія груба парушаюць грамадскі парадак, ч. 6 арт. 16 і арт. 369-1 — дапамаганне ў дыскрэдытацыі Беларусі. 

Паліна — жонка палітзняволенага журналіста Дзмітрыя Лукшы, які праходзіць па той жа справе.

18 лістапада 2022 г. у Мінскім гарадскім судзе распачаўся разгляд справы. 2 снежня вынеслі прысуд: суддзя Наталля Бугук прызначыла Паліне два з паловай гады калоніі ва ўмовах агульнага рэжыму і штраф у памеры 100 базавых (3 200 рублёў).

Былая сукамерніца расказвала пра Паліну: "Яна вельмі спакойная, ніколі не плакала. Паліна вельмі злавалася на гэтую сістэму і часта нас вяртала на зямлю. Яна ўвесь час чытала кнігі". 

24 лютага 2023 г. адбыўся разгляд апеляцыйнай скаргі: прысуд палітзняволенай пакінулі ў сіле. Неўзабаве Паліну перавялі з СІЗА-1 у гомельскую ПК № 4.

МУС дадала Паліну ў "спіс экстрэмістаў" 24 сакавіка 2023 г.

Былога журналіста БТ асудзілі да 4 гадоў калоніі, а яго жонку — да 2,5 гадоў. Па справе асудзілі яшчэ двух чалавек

Паводле версіі абвінавачвання, Палавінка "агучыла загадзя падрыхтаваны мужам тэкст з недакладнымі звесткамі аб незахаванні правоў мігрантаў, незадавальненні іх базавых патрэбаў, дэфіцыце вады і ежы, пры гэтым Лукша пацвердзіў, што асабіста назіраў нібыта парушэнні".

Пачаўся суд над былым журналістам БТ Дзмітрыем Лукшой, яго жонкай і яшчэ трыма фігурантамі справы

Паводле версіі абвінавачвання, Лукша з лістапада 2021 года па сакавік 2022 года "сістэматычна прадстаўляў замежнаму тэлеканалу за ўзнагароджанне матэрыялы пра падзеі, якія адбываюцца ў Рэспубліцы Беларусь". Акрамя таго, паводле версіі абвінавачвання, у 2020 годзе Лукша, яго жонка, двое іншых абвінавачаных таксама прымалі актыўны ўдзел у групавых дзеяннях, якія груба парушаюць грамадскі парадак у сталіцы.