Арсеній Майсейчык
Палітвязень
Дата нараджэння: 19 траўня 2002
Дата затрымання: 9 лістапада 2021
Прад'яўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
- ч. 1 арт. 13 і ч. 2 арт. 293 Крымінальнага кодэкса — Падрыхтоўка да ўдзелу ў масавых беспарадках
Вынік суда: 6 гадоў
Від пакарання: пазбаўленне волі ў калоніі ва ўмовах узмоцненага рэжыму
Дата вызвалення: 20 жніўня 2024
Суддзя: Млечка Андрэй
Пракурор: Малікава Марыя
Месца зняволення: ПК № 17
Справы: Пратэсты Мінск
Іншыя пазнакі: Сур’ёзныя праблемы са здароўем
Заява аб прызнанні палітвязнем
Сімвалічны(ая) хросны(ая): Аліўе Кадзік, сябра Сената Францыі
Арсеній Алегавіч Майсейчык быў затрыманы 9 лістапада 2021 года ў межах крымінальнай справы аб групавых дзеяннях, якія груба парушаюць грамадскі парадак (ч. 1 арт. 342 Крымінальнага кодэксу), а таксама аб падрыхтоўцы да ўдзелу ў масавых беспарадках (ч. 1 арт. 13 і ч. 2 арт. 293 КК). Хлопца змясцілі ў СІЗА-1.
Арсеній скончыў каледж бізнесу і права па спецыяльнасці "правазнаўства", мае пасведчання кіроўцы. Перад затрыманнем працаваў кур'ерам па дастаўцы піцы. Хлопец хворы на лейкому, што патрабуе рэгулярнага кантролю лекарамі і штогадовага праходжання МРТ, а Арсенію забаронены шмат якія фізічныя нагрузкі.
У судзе Фрунзенскага раёна Мінска 22 чэрвеня 2022 г. суддзя Андрэй Млечка пачаў разглядаць крымінальную справу. 1 ліпеня ён прызнаў Арсенія вінаватым і прызначыў яму 6 гадоў зняволення ва ўмовах узмоцненага рэжыму.
Хлопец адбывае пакаранне ў шклоўскай ПК № 17.
Перапіска з адміністратарамі "ОГСБ" і ўдзел у паслявыбарчых акцыях пратэсту: за што чатырох палітвязняў асудзілі да пяці і шасці гадоў калоніі
