Арцём Аляксандравіч Латышаў — жыхар Віцебска, працаваў на кандытарскай фабрыцы “Віцьба”. Затрыманы 8 верасня 2021 года за перформанс на магілцы з выявай прэзідэнта, а таксама за псаванне банераў з выявамі супрацоўнікаў ДАІ.

Пасля выстаўлення абвінавачвання паводле арт. 341 Крымінальнага кодэксу (Апаганьванне будынкаў) і ч. 2 арт. КК 339 (Хуліганства, здзейсненае групай асобаў) Арцёма змясцілі ў СІЗА да суда.

У судзе Віцебскага раёна 25 красавіка 2022 года пачаўся разгляд крымінальнай справы. 20 траўня суддзя Міхаіл Зубеня прызнаў Арцёма вінаватым і прызначыў яму пакаранне: пазбаўленне волі тэрмінам на 4 гады і 6 месяцаў у калоніі агульнага рэжыму.

У сярэдзіне верасня 2022 года палітвязня этапавалі з СІЗА-2 у бабруйскую калонію № 2.

У бабруйскай калоніі Латышаў увесь час сутыкаўся з жорсткім абыходжаннем з боку супрацоўнікаў установы. Так, 1 чэрвеня 2023 г. мужчыну ў чацвёрты раз запар змясцілі ў штрафны ізалятар ПК № 2. Да гэтага ён прабыў там 30 сутак.

26 ліпеня 2023 г. адбыўся суд па ўзмацненні рэжыму для палітвязня. Па выніках працэсу мужчыну вырашылі перавесці на турэмнае зняволенне.

Латышава этапавалі ў магілёўскую турму № 4. Да этапу ён утрымліваўся ў штрафным ізалятары.

Вынесеныя суровыя прысуды ўдзельнікам "віцебскіх перформансаў"

Арцём Латышаў: “Усё жыццё я стараўся быць сумленным і справядлівым. Я выконваў усе ўскладзеныя на мяне сям’ёй і дзяржавай абавязальніцтвы, адпрацаваў па накіраванні пасля вучобы, служыў у войску, валанцёрыў пад час эпідэміі ковіду. Я заўсёды хацеў быць карысным сваім блізкім і грамадству, усё рабіў дзеля гэтага... Тут шмат казалі пра характарыстыкі з СІЗА, але не казалі пра інцыдэнт, які здарыўся ў лістападзе 2020 года. Уначы мой сусед па камеры перарэзаў сабе ўсе вены на руцэ".

Ад двух да шасці гадоў калоніі: дзяржабвінавачванне запрасіла тэрміны для ўдзельнікаў "віцебскіх перформансаў"

Дзяржабвінаваўца ў судовых спрэчках спыніўся на тым, што злоснае хуліганства — з’ява асабліва небяспечная, асабліва калі здзяйсняецца па матывах палітычнай, ідэалагічнай і сацыяльнай варожасці

Віцебск: у судзе за “экстрэмісцкія перформансы” дапыталі сведкаў і абвясцілі тайм-аут

У судзе Віцебскага раёна 5 траўня працягваўся разгляд крымінальнай справы, заведзенай адразу па некалькіх артыкулах Крымінальнага кодэксу на чатырох мясцовых жыхароў за “экстрэмісцкія перформансы”.

У Віцебску працягваецца судовы працэс над удзельнікамі "экстрэмісцкіх перформансаў”

Арцём Латышаў віну прызнаў па эпізодзе на могілках, адмовіўся прызнаваць віну ў спаленні асобнікаў праўладных газет. Таксама не падтрымаў абвінавачанне ў распальванні сацыяльнай варажнечы ў дачыненні да супрацоўнікаў Дзяржаўтаінспекцыі (эпізод з кіданнем яек з фарбаю ў бігборд з выяваю даішнікаў. На пытанне аб стаўленні да паслявыбарчых падзеяў 2020 года адказаў, што не церпіць гвалту, выступае за свабоднае волевыяўленне і трымаецца дэмакратычных поглядаў. Прызнаўся, што прымаў удзел у акцыі пратэсту ў верасні 2020 года.

У Віцебску чатырох палітвязняў судзяць за “экстрэмісцкія перформансы”

Паводле матэрыялаў следства, група праводзіла лакальныя акцыі, а свае, так званыя "дасягненні", здымалі на відэа. Ролікі яны публікавалі ў адкрытым доступе ў Інтэрнэце для ўсеагульнага агляду з мэтай прыцягнення ўвагі і фарміравання масіва пераймальнікаў. Свае дзеянні каардынавалі з дапамогай групавых чатаў.

Затрымалі віцяблян, якія нібыта аблілі чырвонай фарбай "міліцэйскія" банеры

Паводле інфармацыі праваабаронцаў, гаворка ідзе пра затрыманне 8 верасня жыхароў Віцебску Юліі Лабуновай, Святланы Гуркоўскай і Арцёма Латышава. Яны былі затрыманыя адначасова, але паасобку. У кватэрах усіх траіх прайшлі ператрусы.