Андрэй Іванюшын
прадпрымальнік, байкер
Былы палітвязень
Дата нараджэння: 2 чэрвеня 1972
Дата затрымання: 1 лютага 2021
Прад'яўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
- арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў
Вынік суда: 6 месяцаў
Від пакарання: пазбаўленне волі ў калоніі ва ўмовах агульнага рэжыму
Дата вызвалення: 6 снежня 2023
Суддзя: Волк Аляксандр, Шаціла Сяргей
Пракурор: Рабаў Уладзімір
Групы: Бізнесмены
Справы: Пратэсты Мінск
![](https://spring96.org/files/images/ivaniushin.jpg)
Андрэй Віктаравіч Іванюшын — байкер з Мінска. Яго абвінавацілі у гвалце ў дачыненні да супрацоўніка міліцыі паводле арт. 364 Крымінальнага кодэкса.
Інцыдэнт адбыўся 19 верасня 2020 г. каля ГЦ “Еўропа”, калі невядомыя сталі затрымліваць аднаго з матацыклістаў, а астатнія пачалі яго абараняць. 1 лютага 2021 г. у межах распачатай паводле гэтага інцыдэнту крымінальнай справы Андрэй Іванюшын быў узяты пад варту. Раней былі затрыманыя яшчэ два чалавекі — Мікіта Траццякевіч і Мікіта Афанасьеў.
26 лютага 2021 г. у судзе Савецкага раёна Мінска быў абвешчаны прысуд байкерам. Андрэй Іванюшын атрымаў два з паловай гады пазбаўлення волі ў калоніі агульнага рэжыму.
2 чэрвеня 2023 г. Андрэй выйшаў на волю са шклоўскай калоніі № 17, цалкам адбыўшы тэрмін. У зняволенні ён адбыў 2 гады, 4 месяцы і 1 дзень.
Праваабаронцам стала вядома, што Андрэя Іванюшына зноў затрымалі 7 жніўня 2023 г. Яму ставяць у віну тры эпізоды па арт. 342 КК (арганізацыя і падрыхтоўка дзеянняў, якія груба парушаюць грамадскі парадак, або актыўны удзел у іх), за падзеі 2020 года.
Андрэй утрымліваўся ў турме № 8 (Жодзіна). Яму ставілі у віну тры эпізоды паводле арт. 342 КК за ўдзел у акцыях пратэсту. Суд над ім адбыўся 31 кастрычніка 2023 г. у судзе Савецкага раёна Мінска.
Справу разглядаў суддзя Сяргей Шаціла, які прысудзіў Андрэю 6 месяцаў у калоніі агульнага рэжыму. З улікам адбытага ў СІЗА тэрміну, палітвязню застаўся 1 месяц у калоніі.
Андрэй выйшаў на волю 6 снежня 2023 г.
22 снежня 2023 г. унесены МУС у "спіс экстрэмістаў".
![]()
Прысуд па справе мінскіх байкераў: усіх траіх — у калонію агульнага рэжыму
![]()
Справа сталічных байкераў: што кажуць пацярпелыя супрацоўнікі міліцыі?
![]()
Байкеры адбілі ў ціхароў свайго — цяпер ім пагражае зняволенне
![]()
У Мінску за патасоўку з міліцыянерамі судзяць байкераў, а ў залу суда пусцілі толькі родных і СМІ