Аляксандр Лычаўка

Былы палітвязень

Дата нараджэння: 26 жніўня 1983

Дата затрымання: 6 кастрычніка 2022

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 3 гады

Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")

Аляксандр разам з жонкай Сняжанай Інанец

Аляксандр Эраставіч Лычаўка — краязнавец і журналіст з Мінску, супрацоўнічаў з The Village.

Раніцай 6 кастрычніка 2022 г. ён разам з жонкай, журналісткай Сняжанай Інанец перасталі выходзіць на сувязь. Пазней з'явілася інфармацыя, што іх затрымалі. На наступны дзень у набліжаным да ГУБАЗіК тэлеграм-канале выклалі "пакаяльныя" відэа з імі — у роліку яны кажуць, што былі затрыманыя за падпіску на тэлеграм-каналы, якія беларускія ўлады прызналі экстрэмісцкімі, а таксама за ўдзел у маршах пратэсту ў 2020 годзе.

У судзе Першамайскага раёна Мінска 13 студзеня 2023 г. адбыўся разгляд справы Аляксандра і ягонай жонкі Сняжаны Інанец. Лычаўку прызналі вінаватым паводле ч. 1 арт. 342 Крымінальнага кодэкса і асудзілі да трох гадоў абмежавання волі без накіравання ў ПУАТ.

Палітзняволеных журналістаў Сняжану Інанец і Аляксандра Лычаўку асудзілі да "хатняй хіміі"

Вядома, што пракурор запрошваў для жанчыны 2,5 года "хатняй хіміі". Пасля агалошвання прысуда мужа і жонку вызвалілі з-пад варты ў зале суда, да гэтага яны больш за тры месяцы правялі за кратамі ў СІЗА.

Сужэнцаў-журналістаў Сняжану Інанец і Аляксандра Лычаўку пакаралі “хатняй хіміяй”

Суд Першамайскага раёна Мінска 13 студзеня агучыў фінальны вердыкт у дачыненні журналістаў Сняжаны Інанец і Аляксандра Лычаўкі. Абодвум прысудзілі абмежаванне волі паводле “народнага артыкула” 342 Крымінальнага кодэкса – удзел у несанкцыянаваных масавых мерапрыемствах. Да таго яны больш за тры месяцы правялі за кратамі ў СІЗА.

 

Палітвязні знаходзяцца па адрасах:

Падтрымаць «Вясну»