Алена Васільеўна Лысковіч — фігурантка брэсцкай "справы карагодаў", распачатай паводле падзеяў 13 верасня 2020 года ў горадзе (калі пратэстоўцы выйшлі на праезную частку, а іх разагнаў вадамёт).

У судзе Маскоўскага раёна Брэста 7 траўня 2021 г. асудзілі 14 фігурантаў па "справе карагодаў". Суддзя Іна Клышпач прызнала усіх вінаватымі і прызначыла пакаранне ад паўтара года "хатняй хіміі" да аднаго года калоніі. Алена Лысковіч атрымала адзін год і шэсць месяцаў абмежавання волі з накіраваннем ва ўстанову адкрытага тыпу ("хімія").

З 26 ліпеня 2021 года пачала адбываць пакаранне ў ПУАТ № 25. У той жа дзень пачала адбываць пакаранне і ейная палітзняволеная дачка — Вікторыя, але яна пазней здолела ўцячы за мяжу.

Вядома, што 30 кастрычніка 2022 г. палітзняволеную затрымлівалі на "хіміі". У выніку ёй прызначылі штраф паводле ч. 2 арт. 19.11 КаАП (Распаўсюд экстрэмісцкіх матэрыялаў).

Алена цалкам адбыла тэрмін і 25 студзеня 2023 г. выйшла на волю з ПУАТ № 25.

"Я не асуджаная, я ў палоне". Маналог Алены Лысковіч — былой палітзняволенай пасля "хіміі"

Паўтара года Алена Лысковіч прабыла ў папраўчай установе адкрытага тыпу № 25 у Гродне (так званая "хімія").

22 затрыманыя: што цяпер вядома пра пераслед палітзняволеных "хімікаў"

Раніцай у нядзелю, 30 кастрычніка, адразу ў некалькі папраўчых установаў прыехалі супрацоўнікі ГУБАЗіКу і АМАПу. Асуджаных выклікалі на допыты, праводзілі ператрусы, правяралі тэлефоны, а потым некаторых затрымлівалі. Па інфармацыі праваабаронцаў, мінімум дзевяць чалавек ужо асудзілі па адміністрацыйных пратаколах да арышту, яшчэ дзве жанчыны чакаюць суд. Сілавікі пагражалі палітвязням не толькі адміністрацыйнымі справамі, але і крымінальнымі.

Да года калоніі. Па брэсцкай "справе карагодаў" пакаралі яшчэ 14 чалавек

У судзе Маскоўскага раёна Брэста 7 траўня асудзілі яшчэ 14 фігурантаў па "справе карагодаў" па ч. 1 арт. 342 Крымінальнага кодэкса за ўдзел 13 верасня ў карагодзе на скрыжаванні бульвара Касманаўтаў і праспекта Машэрава, калі пратэстоўцы былі разагнаныя вадамётам. Суддзя Іна Клышпач прызнала ўсіх вінаватымі і прызначыла пакаранне ад 1,5 года "хатняй хіміі" да 1 года калоніі.