Ала Сакаленка
Дата затрымання: 27 сакавіка 2022
Прад'яўленыя абвінавачванні:
арт. 358-1 Крымінальнага кодэкса — Агентурная дзейнасць
Вынік суда: невядомы
Суддзя: Папко Анастасія
Месца зняволення: ПК № 4
Заява аб прызнанні палітзняволенай
Сімвалічны/ая хросны/ая: Лэйла Расіма – дэпутатка латвійскага парламента і лідарка парламенцкай групы ў падтрымку дэмакратычнай Беларусі
Ала Сакаленка — грамадзянка Латвіі. Яе пачалі судзіць у Мінскім гарадскім судзе 29 верасня 2023 году. Яе абвінавачваюць у агентурнай дзейнасці паводле арт. 358-1 Крымінальнага кодэкса. Гэты артыкул прадугледжвае пазбаўленне волі ад трох да сямі гадоў зняволення. Справу ў закрытым рэжыме разглядае Анастасія Папко.
"Па заданні латвійскіх спецслужб рыхтавала да вярбоўкі беларускіх вайскоўцаў".
Грамадзянка Латвіі ўтрымліваецца пад вартай у беларускім СІЗА-1. Прэс-сакратар МЗС зазначыў, што амбасада Латвіі ў Віцебску аказвае ёй консульскую дапамогу ў межах магчымасцяў.
19 снежня 2023 г. у Алы прызначаны разгляд апеляцыйнай скаргі ў Вярхоўным судзе. Старшыня судовай камісіі Аляксей Цяцюхін. Прысуд набыў моц.
Ала адбывае тэрмін у ПК-4.
