Зінаіда Феадосіеўна Міхнюк — актывістка прафсаюза РЭП, была затрымана 25 сакавіка 2022 г. пасля вобшукаў у яе дома і на офісе арганізацыі. Жанчыну змясцілі ў СІЗА паводле абвінавачвання ў абразе прэзідэнта (арт. 368 Крымінальнага кодэксу).

Згодна з інфармацыяй, якую даслаў адзін са зняволеных з-за кратаў, Міхнюк абвінавачвалі на падставе матэрыялаў з праслухоўвання, якое стаяла ў яе як у актывісткі прафсаюза РЭП.

У судзе Ленінскага раёна Брэста 18 траўня 2022 г. завяршыўся разгляд справы Зінаіды Міхнюк. Суддзя Андрэй Грушко пастанавіў прызнаць палітзняволеную вінаватай і прысудзіць ёй пазбаўленне волі на два гады ў калоніі агульнага рэжыму.

У Брэсцкім абласным судзе 12 ліпеня 2022 г. разгледзелі апеляцыйную скаргу. Тройка суддзяў, сярод якіх была і Вера Філонік, пакінула прысуд палітзняволенай без зменаў, а скаргу — без задавальнення.

У канцы ліпеня 2022 г. Зінаіду этапавалі з СІЗА-7 у гомельскую калонію № 4.

29 студзеня 2024 г. выйшла на волю. 

«Вунь — «Брэсцкая крэпасць» пайшла!» Распавядаем гісторыю жыцця палітзняволенай актывісткі Зінаіды Міхнюк

Зінаіда Міхнюк звязала сваё жыццё з незалежным прафсаюзам РЭП у 2000 годзе, калі стала старшынёй пярвічкі на заводзе «Цветатрон».

Актывістку прафсаюза РЭП Зінаіду Міхнюк асудзілі да двух гадоў калоніі

На пасяджэнне прыйшлі каля двух дзясяткаў чалавек. З іх пусцілі толькі 4 (як мяркуецца, усе яны ў статусе сведак па справе). Астатніх жа не пусцілі, уключаючы мужа Зінаіды. Фактычна, суд праходзіць у закрытым рэжыме.