Вольга Аляксандраўна Томіна — візажыстка, затрымана ў сакавіку 2022 года ў межах крымінальнай справы аб групавых дзеяннях, што груба парушаюць грамадскі парадак (арт. 342 Крымінальнага кодэксу). У ейным тэлефоне сілавікі знайшлі фота і відэа з мірных акцый пратэсту ў Мінску ў 2020 годзе.

Вольга мае траіх дзяцей: дочкам 13 гадоў, сыну — 11. Томіна заснавала студыі і школы макіяжу ANATOMIA, яе майстар-класы праходзілі па ўсім свеце, а ў інстаграме на яе падпісаныя больш за паўмільёна чалавек.

Справу Вольгі Томінай пачалі разглядаць 24 траўня 2022 г. у судзе Ленінскага раёна Мінска. 26 траўня 2022 г. суддзя Юлія Шут прызнала палітзняволеную вінаватай і прызначыла ёй 2 гады пазбаўлення волі ў калоніі агульнага рэжыму.

На пачатку верасня 2022 г. стала вядома аб пераводзе Вольгі з СІЗА-1 у гомельскую калонію.

Напрыканцы кастрычніка МУС уключыў палітзняволеную ў спіс "экстрэмістаў".

Візажыстку Вольгу Томіну адправілі ў калонію за фота і відэа з акцый пратэсту 2020 года

Што менавіта інкрымінавалі Вользе — невядома. Але на «пакаяльным відэа», якое з’явілася на праўладных тэлеграм-каналах, яна паведаміла, што затрымалі яе за фота і відэа ў Instagram з акцый пратэсту 2020 года. Таксама жанчына растлумачыла, што хадзіла на мітынгі дзеля праўды, бо ёй было крыўдна, што збіваюць людзей.

Даведаліся, што зараз з топавай візажысткай Вольгай Томінай, якую затрымалі

Штодзень робіць зарадку, 200 прысяданняў і 200 прэсу, малюе ўсім у камеры стрэлкі і вусны — даведаліся, што зараз з топавай візажысткай Вольгай Томінай і ў чым яе абвінавачваюць.