Вольга Уладзіміраўна Рытус была затрымана 12 красавіка 2022 года паводле арт. 342 КК (Групавыя дзеянні, што груба парушаюць грамадскі парадак) — за ўдзел у паслявыбарчых пратэстах у 2020 годзе. Дома ў Вольгі застаўся 12-гадовы сын.

Вольгу змясцілі ў СІЗА-1.

Старэйшы сын жанчыны вучыцца ў Польшчы. Паведамляецца, што супрацоўнікі ГУБАЗіК падчас ператрусу распавядалі родным, што там хлопец ужывае наркотыкі, а пасля вяртання ў Беларусь будзе таксама затрыманы.

14 ліпеня 2022 г. у судзе Фрунзенскага раёна Мінска Вольга была асуджаная да трох гадоў абмежавання волі без накіравання ў ПУАТ. Жанчыну вызвалілі ў зале суда.

Вольга пакінула Беларусь.

Згодна з раскладам судоў, яе справа аб замене абмежавання волі на пазбаўленне волі ў калоніі разглядалася завочна 14 кастрычніка 2024 г. у судзе Партызанскага раёна Мінска. Суддзя Аляксандр Супічэнка.

"Гэта месца не павінна існаваць". Былая палітзняволеная распавяла пра катаванні ў беларускай турме

Выбіць з Вольгі Рытус "прызнанне віны" для "пакаяльнага" відэа ў сілавікоў не атрымалася. Ужо пазней родныя дазналіся: дзеля гэтага з жанчыны здзекаваліся — білі нагамі і аблівалі вадой. У турме беларуска правяла тры месяцы і была асуджана на тры гады "хатняй хіміі". З прысудам жанчына не змірылася і ўцякла ў Польшчу.

Палітзняволенай Вользе Рытус прысудзілі тры гады "хатняй хіміі". З суда зрабілі паказальнае "шапіто" і сагналі на яго студэнтаў

"Суддзя запыталася: "Як ваша маці ставілася да таго, што вы хадзілі на акцыі?". "Чаму на працы з вамі не праводзілі прафілактычныя гутаркі?". Сур'ёзна? Мне 43 гады, чаму раптам мяне павінна кантраляваць маці і, тым больш, праца?"

Родныя палітзняволенай Вольгі Рытус: "Каб выбіць паказанні, яе аблівалі вадой і пагражалі пасадзіць сына"

"Вясна" паразмаўляла са сваякамі Вольгі і даведалася пра ейны лёс.