Вольга Вячаславаўна Гладкая — экс-мэнэджарка канала "Беларусь 2". У офісе яна вяла афіцыйнае справаводства, адсочвала выкананне дамоваў і г. д. Яна звольнілася з Белтэлерадыёкампаніі ў верасні 2020 года, каб паспрабаваць сябе ў сферы ІТ. Аднак рашэнне супала з масавымі пратэстамі супраць фальсіфікацыі вынікаў прэзідэнцкіх выбараў і беспрычыннага гвалту сілавікоў, да пратэстаў у выглядзе страйку далучыліся і многія супрацоўнікі БТ.

Паводле наяўных звестак, 7 сакавіка 2023 года адбыўся першы допыт Вольгі, а яшчэ праз два дні ёй прад'явілі абвінавачанне на падставе «народнага» артыкула 342 Крымінальнага кодэкса — за ўдзел у несанкцыянаваных мерапрыемствах.

Вольга ўтрымлівалася ў СТ № 8.

2 траўня 2023 г. суддзя Маскоўскага раёна Мінска Лідзія Целіца прысудзіла палітзняволенай тры гады абмежавання волі без накіравання ва ўстанову адкрытага тыпу ("хатняй хіміі").

Жанчына была вызвалена з-пад варты ў зале суда.

У Мінску асудзілі па "народным" артыкуле экс-менеджарку канала "Беларусь 2" Вольгу Гладкую

2 траўня ў судзе Маскоўскага раёна Мінска Вользе Гладкай прысудзілі тры гады "хатняй хіміі".