Вольга Аляксееўна Філатчанкава – выкладчыца Беларускага дзяржаўнага ўніверсітэта інфарматыкі і радыёэлектронікі, асістэнтка кафедры ПЗІТ. Удзельніца відэазвароту выкладчыкаў БДУІР супраць гвалту, брала ўдзел у забастоўцы.

Была затрымана 12 лістапада, у гэты ж дзень у яе дома быў праведзены вобшук.

Вользе прад’яўлена абвінавачванне па арт. 342 ч. 1 КК РБ (Арганізацыя альбо ўдзел у групавых дзеяннях, якія груба парушаюць грамадскі парадак). Спачатку яе змясцілі пад варту ў СІЗА КДБ, затым перавялі ў СІЗА-1.

Знялася ў відэазвароце супраць гвалту і страйкавала. Што вядома пра палітзняволеную выкладчыцу БДУІР

Супрацоўнікі КДБ затрымалі Вольгу Філатчанкаву 12 лістапада пасля ператрусу ў яе дома. Ёй прад'яўлена абвінавачанне па ч. 1 арт. 342 Крымінальнага кодэкса – арганізацыя альбо ўдзел у групавых дзеяннях, якія груба парушаюць грамадскі парадак. Другі тыдзень Вольгу трымаюць пад арыштам. "Вясна" паразмаўляла з сынам палітвязняволенай Іванам і распавядае гісторыю Вольгі.

Сімвалічная "хросная" у межах кампаніі #WeStandByYou – дэпутатка Нацыянальнай рады Швейцарыі Селін Відмер:

“Жанчыны адыгрываюць вядучую ролю ў пратэстах у Беларусі. У мірных акцыях пратэсту ўдзельнічала і выкладчыца Беларускага ўніверсітэта інфарматыкі і радыёэлектронікі Вольга Філатчанкава. Яе затрымалі пасля таго, як яна знялася ў відэазвароце супраць гвалту і ўзяла ўдзел у страйку. Наша глыбокая салідарнасць з ёй і з усімі жанчынамі і мужчынамі, якія змагаюцца за правы чалавека, дэмакратыю і свабоду ў Беларусі. За вызваленне ўсіх палітвязняў і канстытуцыйныя рэформы ў Беларусі!”

Храналогія судовага працэса: 

Суд па "справе студэнтаў": у залю пусцілі толькі родных, некаторых з групы падтрымкі - затрымалі

Раніцай 14 траўня каля Дому правасуддзя сабралася шмат людзей, якія прыйшлі на суд па так званай "справе студэнтаў". Аднак нават у будынак суда пускалі толькі блізкіх сваякоў і дзяржаўныя СМІ. Нават бабуль і дзядуляў абвінавачаных не пусцілі ў залю суда нібыта праз недахоп месцаў.

"Справа студэнтаў". У абвінавачванні змяшаліся санкцыі ЕC і ЗША, Ціханоўская, парушэнне працы ВНУ і транспарту

У Мінску працягваецца працэс па "справе студэнтаў". 12 фігурантаў судзяць за арганізацыю пратэстаў, якія пасля выбараў праходзілі ва ўніверсітэтах, піша TUT.BY.

На судзе па "справе студэнтаў" выступаюць сведкі - прадстаўнікі адміністрацыі БДУ

17 траўня ў працэсе ў палітвязняў спыталі, ці прызнаю яны сваю віну. Кася Будзько і Яна Арабейка сказалі, што сутнасць абвінавачвання ім незразумелая, Глеб Фіцнер прызнаў віну, астатнія фігуранты справы сваю віну не прызналі.

Чацвёрты дзень суда па "справе студэнтаў": як выкладчыкі выступаюць сведкамі

18 траўня суд Савецкага раёна на выязным пасяджэнні ў Доме правасуддзя працягвае разглядаць крымінальную "справу студэнтаў".

"Было адчуванне: яшчэ трохі і мяне павядуць на расстрэл". Пра што сведчаць прадстаўнікі ВНУ па "справе студэнтаў"

19 і 20 траўня суд Савецкага раёну працягваў разгляд крымінальнай справы ў дачыненні да 10 студэнтаў, выпускніцы і выкладчыцы сталічных вну.

"Яны паводзілі сябе не агрэсіўна. Ды і наогул, яны ж дзеці". У судзе працягваецца допыт сведкаў па "справе студэнтаў"

21 траўня ў судзе працягнуўся допыт прадстаўнікоў універсітэтаў у якасці сведак.

Яшчэ адзін дзень сведчанняў у судзе па "справе студэнтаў"

На судовым пасяджэнні 24 траўня ў якасці сведак былі дапытаныя кіраўнікі і выкладчыкі БНТУ і БДАІ, а таксама прадстаўнікі Мінсктранса.

"Хто спявае, той і ўдзельнічае". Што яшчэ кажуць сведкі на судзе па "справе студэнтаў"

25 мая ў выязным пасяджэнні суд Савецкага раёна працягнуў разгляд крымінальнай "справы студэнтаў" у дачыненні да 10 навучэнцаў сталічных ВНУ, выпускніцы БДМУ і выкладчыцы БДУІР.

"Хто спявае, той і ўдзельнічае". Што яшчэ кажуць сведкі на судзе па "справе студэнтаў"

25 траўня ў выязным пасяджэнні суд Савецкага раёна працягнуў разгляд крымінальнай "справы студэнтаў" у дачыненні да 10 навучэнцаў сталічных ВНУ, выпускніцы БДМУ і выкладчыцы БДУІР.

"Гэта структура, якая самаарганізуецца, самая актыўная і разумная". У судзе працягваецца разгляд "справы студэнтаў"

Пасля працяглага перапынку ў судзе Савецкага раёну Мінску аднавіўся разгляд крымінальнай «справы студэнтаў». Паўза ў працэсе была звязана з каранцінам у камеры спачатку Ягора Канецкага, а затым - Касі Будзько.

"Студэнтаў забіраюць проста з заняткаў, выкладчыкаў звальняюць". На судзе над студэнтамі гучыць іх перапіска

Ужо некалькі дзён, як суд вывучае матэрыялы справы. 22 чэрвеня пракуроры пачалі зачытваць матэрыялы 19 тома справы і за дзень дабраліся да 25.

"Студэнты — галоўнае капіталаўкладанне нашай краіны". Відэазвароты супраць гвалту сталі рэчавымі доказамі ў судзе

На пасяджэнні 25 чэрвеня праглядалі відэа і слухалі запісы размоў студэнтаў па тэлефонах ды праз інтэрнэт, запісаныя КДБ. А першыя дзве гадзіны праглядалі відэа акцый, якія летась праходзілі ў Беларускім дзяржаўным універсітэце інфарматыкі і радыёэлектронікі.

"Я за мірную і квітнеючую Беларусь". У судзе па "справе студэнтаў" дапыталі частку абвінавачаных

У судзе Савецкага раёну Мінску 1 і 2 ліпеня крымінальны працэс па "справе студэнтаў" працягваўся допытам абвінавачаных.

Паказанні Вольгі Філатчанкавай на судзе па "справе студэнтаў". Поўны тэкст выступу

Лічу, што я проста падвергнулася рэпрэсіям за адкрытае выказванне свайго меркавання, нягледзячы на тое, што гэта маё канстытуцыйнае права.

«Хацелася б пабачыць доказы». На працэсе па «справе студэнтаў» скончаны допыт абвінавачаных

7 ліпеня ў судзе Савецкага раёна г. Мінска працягнуўся допыт абвінавачаных па «справе студэнтаў».

"Ад далейшага лёсу гэтых маладых людзей залежыць і наш з вамі". У судзе па "справе студэнтаў" пачаліся спрэчкі бакоў

9 ліпеня ў судзе Савецкага раёна г. Мінска пачаліся спрэчкі бакоў па "справе студэнтаў".

"Прад'яўленае абвінавачванне складана разабраць нават юрысту". У судзе па "справе студэнтаў" працягнуліся спрэчкі бакоў

12 ліпеня ў судзе Савецкага раёна г. Мінска працягваюцца спрэчкі бакоў у працэсе па "справе студэнтаў".

"Таму і па сотні іншых прычын маім апошнім словам будзе – свабода"

12 ліпеня ў судзе Савецкага раёна г. Мінска прайшлі спрэчкі бакоў у працэсе па "справе студэнтаў", пасля чаго палітвязні выступілі з апошнім словам.

Вынесены прысуд па “справе студэнтаў”: 11 фігурантам - па два з паловай гады калоніі, аднаму - два гады

У судзе Савецкага раёна Мінска 16 ліпеня агучылі прысуд па “справе студэнтаў”.