Вячаслаў Уласевіч
Дата нараджэння: 30 траўня 2000
Дата затрымання: 20 чэрвеня 2021
Прад'яўленыя абвінавачванні:
арт. 370 Крымінальнага кодэкса — Здзек з дзяржаўных сімвалаў
Вынік суда: 1 год
Від пакарання: абмежаванне волі з накіраваннем у папраўчую ўстанову адкрытага тыпу ("хімія")
Дата вызвалення: 9 чэрвеня 2022
Суддзя: Раманюк Вольга
Пракурор: Пасемка Святлана
Вячаслаў Юр'евіч Уласевіч Баранавіцкім судом прызнаны вінаватым па арт. 370 Крымінальнага кодэкса (Знявага дзяржаўнага сцяга). Яго прысудзілі да года абмежавання волі з накіраваннем у папраўчую ўстанову — "хіміі".
Яго прызналі вінаватым у тым, што 3 красавіка 2021 года каля 5.25 раніцы ён у стане алкагольнага ап'янення зняў сцяг з будынка па вуліцы Леніна. Пасля ён пранёс яго некаторую адлегласць і кінуў на зямлю, праз што дрэўка зламалася на тры часткі і пашкодзілася палотнішча.
З чэрвеня 2021 года адбываў пакаранне ў папраўчай установе № 49.
Вячаслаў цалкам адбыў тэрмін і 9 чэрвеня 2022 г. выйшаў на волю.
Баранавічы: год "хіміі" — за "здзек" над сцягам. Шкода склала 2 рубля 44 капейкі
