Вячаслаў Мікалаевіч Караткевіч — жыхар Свіслачы Гродзенскай вобласці, настаўнік англійскай мовы Свіслацкай сярэдняй школы №2.

Вячаслава абвінавацілі ў паклёпе на прэзідэнта — крымінальная справа была ўзбуджана па ч. 2 арт. 367 Крымінальнага кодэксу.

Яшчэ 20 жніўня 2020 году кіраўніцтва Свіслацкага выканкаму арганізавала сустрэчу з народам, на якую і вырашыў схадзіць Вячаслаў Караткевіч. Гэтае ж кіраўніцтва і звінаваціла яго ў тым, што настаўнік зрабіў на той сустрэчы паклёп на Лукашэнку. 

30 чэрвеня 2021 суд Свіслацкага раёна прысудзіў Караткевічу год і шэсць месяцаў пазбаўлення волі ў калоніі агульнага рэжыму. Мужчыну ўзялі пад варту ў зале суда.

Знаходзіўся ў СІЗА-6, для адбывання тэрміну быў накіраваны ў ПК № 15.

Палітвязень цалкам адбыў тэрмін і 23 снежня 2022 г. выйшаў на волю.

Яшчэ адзін прысуд за паклёп на Лукашэнку

На гэты раз за паклёп на Лукашэнку чалавека асудзілі у Свіслачы Гродзенскай вобласці. На лаве падсудных апынуўся настаўнік ангельскай мовы Свіслацкай сярэдняй школы № 2 Караткевіч Вячаслаў Мікалаевіч 1964-га году нараджэння. Працэс вёўся ў Свіслацкім раённым судзе.