Віталь Аляксандравіч Жылінскі быў затрыманы ў межах крымінальнай справы аб групавых дзеяннях, якія груба парушаюць грамадскі парадак (арт. 342 Крымінальнага кодэксу). Пазней яму выставілі таксама абвінавачванне паводле арт. 130 КК (распальванне іншай сацыяльнай варожасці ці варажнечы).

Да суда быў змешчаны ў СІЗА-1.

У Мінскім гарадскім судзе 12 ліпеня 2022 года пачаўся разгляд справы. 18 ліпеня суддзя Наталля Бугук асудзіла Віталя да трох гадоў калоніі ва ўмовах агульнага рэжыму.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

У верасні 2022 г. КДБ уключыў палітвязня ў спіс асобаў, "датычных да тэрарыстычнай дзейнасці".

Палітвязня этапавалі ў ПК № 15 у кастрычніку 2022 г.

Палітвязня Жылінскага асудзілі да трох гадоў калоніі

43-гадовага Віталя Жылінскага затрымалі 13 студзеня 2022 года ў межах арт. 342 КК і змясцілі пад варту. Праз паўгода за кратамі справу Віталя перадалі ў суд, але дадалі яшчэ адзін артыкул Крымінальнага кодэкса — 130 (распальванне іншай сацыяльнай варожасці).