Віталь Аляксандравіч Прынеслік быў затрыманы разам з жонкай напрыканцы лютага 2023 года ў межах крымінальнай справы аб групавых дзеяннях, груба парушаючых грамадскі парадак (арт. 342 Крымінальнага кодэксу). Жонку адпусцілі пад падпіску аб нявыездзе, Віталя пакінулі пад вартай. 

Віталь — евангельскі вернік, прыхаджанін царквы «Слова жыцця».

Суд над Віталём і ягонай жонкай Лізаветай распачаўся 29 траўня 2023 г. у судзе Цэнтральнага раёна Мінска. Суддзя Вікторыя Шабуня 30 траўня прызнала Віталя і Лізавету вінаватымі і прызначыла ім па два гады абмежавання волі без накіравання ў папраўчую ўстанову адкрытага тыпу ("хатняя хімія"). Віталя вызвалілі ў зале суда.

23 чэрвеня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.