Віталь Валянцінавіч Астрэйка быў затрыманы 29 верасня 2021 года разам з многімі іншымі людзьмі, якія пакідалі каментары ў сацыяльных сетках пра гібель Андрэя Зэльцэра і супрацоўніка КДБ. 

У выніку яму прад'явілі абвінавачванні ў абразе Лукашэнкі (ч. 1 арт. 368 Крымінальнага кодэксу), а таксама ў паклёпе на яго (ч. 1 арт. 367 Крымінальнага кодэксу).

Разгляд справы палітвязня распачаўся ў судзе Маскоўскага раёна Мінска 18 лістапада 2022 г. Праваабаронцы высвятляюць рашэнне, якое прыняла суддзя Кацярына Мурашка.

Віталь утрымліваўся ў СІЗА-1, пасля ў следчай турме № 8.

16 сакавіка 2023 г. у Мінскім раённым судзе Віталя зноў асудзілі, у гэты раз па арт. 369 КК (Абраза прадстаўніка ўлады). Вырак суддзі Арцёма Манжоса невядомы.

Куды перавялі палітвязня — пакуль невядома.