Вікторыя Віктараўна Міронцава вучылася ў гімназіі-каледжы мастацтваў імя Ахрэмчыка. Пасля заканчэння працавала афіцыянткай у рэстаране.

Яна была затрымана 15 кастрычніка ў межах крымінальнай справы па ч. 1 арт. 342 Крымінальнага кодэкса (Актыўны ўдзел у групавых дзеяннях, якія груба парушаюць грамадскі парадак). Падставай для затрымання яе і сястры стала відэа з пратэстаў 10 жніўня, куды трапілі дзяўчыны.

Таксама ў межах гэтай справы затрымана і ейная сястра Анастасія. 

Пасля выстаўлення абвінавачванняў дзяўчыну змясцілі ў СІЗА-1 у Мінску. 

На судзе, які пачаўся ў сакавіку 2021 года, высветлілася, што дзяўчынам таксама ставяць у віну арт. 364 КК (гвалт у дачыненні да супрацоўніка міліцыі), а Вікторыі яшчэ і арт. 363 (Супраціў супрацоўніку органаў унутраных спраў). 1 красавіка ў судзе Савецкага раёна Мінска быў агучаны прысуд па крымінальнай справе Вікторыі і Анастасіі Міронцавых. Анастасія Міронцава атрымала 2 гады пазбаўлення волі, Вікторыя — 2,5 гады.

Гісторыя адной сям'і: дзве сястры сядзяць у СІЗА за «палітыку», трэцяя з'ехала з краіны

Вікторыя, Настасся і Аляксандра Міронцавы — тры сястры. Разам вучыліся ў каледжы мастацтваў, разам пайшлі ў горад пасля выбараў. Дзве цяпер сядзяць у СІЗА — праваабаронцы прызналі дзяўчат палітвязнямі. Трэцяя паспела з’ехаць з краіны. Яна расказала пра сясцёр за кратамі, маму і ручную сароку, якія чакаюць іх дома.

Сясцёр Міронцавых пакаралі пазбаўленнем волі на два і два з паловай гады

У судзе Савецкага раёна Мінска 31 сакавіка працягнуўся разгляд крымінальнай справы ў дачыненні да Вікторыі і Анастасіі Міронцавых, якіх абвінавачвалі ў актыўным удзеле ў групавых дзеяннях, што груба парушаюць грамадскі парадак, і гвалт або пагрозу прымянення гвалту ў дачыненні да супрацоўнікаў МУС.

Пра што распавядалі пацярпелыя і сведкі на судзе па справе Анастасіі і Вікторыі Міронцавых

23 і 24 сакавіка ў судзе Савецкага раёна працягнуўся разгляд крымінальнай справы ў дачыненні да палітзняволеных сясцёр Анастасіі і Вікторыі Міронцавых.

На суд над палітзняволенымі сёстрамі Міронцавымі патрапілі адзінкі

У судзе Савецкага раёна пачаўся разгляд крымінальнай справы ў дачыненні да сясцёр Вікторыі і Анастасіі Міронцавых. Дзяўчат вінавацяць у актыўным удзеле ў групавых дзеянняў, што груба парушаюць грамадскі парадак (ч. 1 арт. 342 КК), і гвалце або пагрозе прымянення гвалту ў дачыненні да супрацоўнікаў МУС (арт. 364 КК). Вікторыя Міронцава таксама абвінавачваецца па ч. 1 арт. 363 КК – "Супраціў супрацоўніку органаў унутраных спраў або іншай асобе, якая ахоўвае грамадскі парадак".