Віктар Пятровіч Дзіброў быў затрыманы на пачатку жніўня 2022 года за каментар, у якім ён абразіў Лукашэнку. За гэта была заведзена крымінальная справа паводле арт. 368 Крымінальнага кодэксу.

Вядома, што Віктар сірата.

У кастрычніку палітвязня перавялі з бабруйскага СІЗА-5 ў магілёўскую СТ № 4.

29 лістапада 2022 г. у Магілёўскім абласным судзе ў закрытым рэжыме распачаўся разгляд ягонай справы. Паводле інфармацыі праваабаронцаў, у выніку хлопца судзілі паводле арт. 361-4 КК за садзейнічанне экстрэмісцкаму фармаванню. 2 снежня суддзя Ігар Зямцоў прызначыў Віктару два з паловай гады пазбаўлення волі ў калоніі ва ўмовах агульнага рэжыму.

Разгляд апеляцыйнай скаргі адбыўся 14 лютага 2023 г. у Вярхоўным судзе: прысуд палітвязню пакінулі без зменаў.

МУС 24 лютага 2023 г. уключыла Віктара Дзіброва ў "спіс экстрэмістаў".

У пачатку сакавіка 2023 г. Віктара этапавалі ў наваполацкую ПК № 1.

Вызвалены 4 верасня 2024 г. па памілаванні. 

Палітвязню прысудзілі два з паловай гады калоніі за “садзейнічанне экстрэмісцкай дзейнасці”

У Магілёўскім абласным судзе асудзілі палітзняволенага Віктара Дзіброва паводле ч. 1 арт. 361-4 (Садзейнічанне экстрэмісцкай дзейнасці) Крымінальнага кодэкса. Суддзя Ігар Зямцоў прызначыў Віктару 2 гады і 6 месяцаў пазбаўлення волі ў калоніі ва ўмовах агульнага рэжыму.