Валерый Рыгоравіч Лоза - жыхар Светлагорску, абвінавачаны па арт. 369 Крымінальнага кодэксу (Абраза прадстаўніка ўлады).

Згодна з матэрыяламі справы, 26 жніўня Валерый Лоза зрабіў некалькі абразлівых каментароў у сацыяльнай сетцы “Аднакласнікі”. У суполцы "Светлік. Светлагорск" быў размешчаны пост з выявай супрацоўніка ДПС ДАІ РАУС Светлагорскага райвыканкама маёра Андрэя Баграёнка і інфармацыяй аб тым, што ён быццам бы ўдзельнічаў у разгоне мірных акцый гараджан і штрафаваў кіроўцаў за падачу гукавых сігналаў. Гэты пост Лоза пракаментаваў, выкарыстоўваючы нецэнзурную лексіку. Лоза сваю віну прызнаў.

22 студзеня 2021 года суд Светлагорскага раёна пакараў мужчыну 2,5 гадамі абмежавання волі з накіраваннем у папраўчую ўстанову адкрытага тыпу.

Першага красавіка 2021 года Лозу накіравалі адбываць пакаранне ў ПУАТ №1.

16 верасня 2021 года стала вядома, што Валерыя Лозу вызвалілі па памілаванні з ПУАТ №29.

Светлагорск: за абразу інспектара ДПС судзяць мясцовага жыхара

У судзе Светлагорскага раёна 15 студзеня 2021 года  пачаўся разгляд крымінальнай справы, узбуджанай у дачыненні да мясцовага жыхара Валерыя Лозы. Яго абвінавачваюць па артыкуле 369 КК РБ (Публічная абраза прадстаўніка ўлады ў сувязі з выкананнем ім службовых абавязкаў).

Два з паловай гады «хіміі» прысудзілі жыхару Светлагорска за эмацыйныя каментары на адрас інспектара ДПС

Суддзя Галіна Гулевіч пагадзілася з запытаным абвінаваўцам пакараннем і прызначыла Валерыю Лозу 2,5 гады абмежавання волі з накіраваннем у папраўчую ўстанову, а таксама пастанавіла спагнаць з яго 1500 рублёў маральнай шкоды на карысць Баграёнка.