Вадзім Навумавіч Храсько быў затрыманы паводле крымінальнай справы па арт. 361-2 КК РБ (Фінансаванне экстрэмісцкай дзейнасці). Утрымліваўся ў СІЗА-1. 

4 жніўня 2023 года суддзя Мінскага гарадскога суда Сяргей Хрыпач асудзіў палітвязня да трох гадоў калоніі ва ўмовах агульнага рэжыму. Ён падаў апеляцыйную скаргу. 13 кастрычніка судовая калегія Вярхоўнага суда пад старшынствам Аляксея Цяцюхіна пакінула прысуд Вадзіма ў сіле. Мужчыне прызначылі пазбаўленне волі, негледзячы на тое, што ў яго было сур'ёзнае захворванне. 

Адбываць тэрмін Вадзіма адправілі ў віцебскую калонію № 3, дзе ён, па падліках праваабаронцаў, прабыў каля двух месяцаў.

3 лістапада 2023 г. быў унесены МУС у "спіс экстрэмістаў".

Палітзняволены памёр у ноч з 8 на 9 студзеня 2024 г. Паводле інфармацыі праваабаронцаў, Вадзім меў шэраг захворванняў і хварэў у зняволенні. Афіцыйнай прычынай смерці стала пнеўманія. У бальніцу Вадзіма даставілі, калі ўжо нельга было яго выратаваць.

Афіцыйныя структуры ніяк не каментуюць інцыдэнт у віцебскай калоніі.

12 студзеня 2024 г. Вадзіма Храсько пахавалі ў Мінску.

Вёў сямейны Youtube-канал, працаваў у IT. Што вядома пра палітвязьня Вадзіма Храсько, які загінуў за кратамі

Вадзім Храсько працаваў у сфэры IT. Ягоная фірма абслугоўвала Нацбанк і шэраг іншых дзяржаўных арганізацый. У мужчыны засталася жонка і двое малых дзяцей.

У калоніі ад пнеўманіі памёр палітвязень, асуджаны за данаты

Палітвязень памёр у ноч з 8 на 9 студзеня ад пнеўманіі. У бальніцу мужчыну даставілі, калі яго ўжо нельга было выратаваць. Гэта чацвёртая смерць палітвязня за кратамі.