Вадзім Яраслававіч Гіль быў затрыманы 27 ліпеня 2021 года каля свайго дома за абразлівы каментар у дачыненні да пракурора. На Вадзіма завялі крымінальную справу па арт. 369 КК (Абраза прадстаўніка ўлады). Дома ў яго прайшоў ператрус.

Таксама вядома, што Вадзім пісаў кнігу аб пратэстах.

Шляхам паглынання менш строгага пакарання больш строгім 29 кастрычніка 2021 года палітвязню канчаткова вынеслі пакаранне ў выглядзе абмежавання волі з накіраваннем у папраўчую ўстанову адкрытага тыпу тэрмінам на тры гады са штрафам 300 б.в., мабільны тэлефон — канфіскаваць у даход дзяржавы, а таксама задаволіць заяўлены пазоў аб кампенсацыі маральнай шкоды ў памеры 1000 рублёў, зыходзячы з прынцыпаў разумнасці і справядлівасці. Вадзім Гіль быў вызвалены з-пад варты ў зале суда на час абскарджвання прысуду.

Вадзім пакінуў Беларусь.

За абразлівыя каментары ў адрас чыноўнікаў і Лукашэнкі мужчыну пакаралі трыма гадамі “хіміі” і вялікім штрафам

У судзе Савецкага раёна г. Мінска 29 кастрычніка агучылі прысуд па крымільнай справе ў дачыненні да палітзняволенага Вадзіма Гіля, якога вінавацілі ў абразе прадстаўніка ўлады (арт. 369 КК) і абразе прэзідэнта (ч. 1 арт. 368 КК).