Уладзімір Валер'евіч Севярын — былы міжнародны сакратар БСДП. Быў затрыманы 21 кастрычніка 2021 г. і да сярэдзіны снежня ўтрымліваўся ў СІЗА КДБ у межах крымінальнай справы аб тэрарызме. Затым абвінавачванне перакваліфікавалі на арт. 342 Крымінальнага кодэксу — Арганізацыя і актыўны ўдзел у групавых дзеяннях, якія груба парушаюць грамадскі парадак. Уладзіміра перавялі ў СІЗА-1.

14 траўня 2022 г. суд Ленінскага раёна прызнаў Уладзіміра вінаватым і асудзіў да 1 года і 6 месяцаў зняволення ў калоніі агульнага рэжыму. Вядома, што дзяржаўнае абвінавачванне прасіла для Севярына два гады калоніі. Пры гэтым Уладзіміру не залічылі ў тэрмін дні, якія ён правёў у СІЗА КДБ — два месяцы зняволення. Таму ў тэрмін адбытага пакарання яму залічылі дні з 16 снежня, калі яго перавялі ў СІЗА на Валадарскага. 

У чэрвені 2022 г. Уладзіміра перавялі з СІЗА-1 у віцебскі СІЗА-2, а пасля — у ПК № 3.

Уладзімір цалкам адбыў пакаранне і выйшаў на волю 20 лютага 2023 г.

Палітзняволеных асудзілі да калоніі, але не залічылі ім у тэрмін два месяцы, якія яны правялі ў СІЗА КДБ

Былога міжнароднага сакратара БСДП Уладзіміра Севярына разам з ягонай дзяўчынай Кацярынай Гібкай затрымалі 21 кастрычніка 2021 года і да сярэдзіны снежня ўтрымліваліся ў СІЗА КДБ у межах крымінальнай справы аб тэрарызме.