Уладзімір Уладзіміравіч Бранавіцкі — майстар спорту па паўэрліфцінгу з Баранавічаў. Ён быў затрыманы 17 чэрвеня 2022 года. Уладзіміра абвінавацілі ў тым, што са студзеня па чэрвень 2022 года ён нібыта развешваў "пратэсную сімволіку" на лініях электраперадач у Баранавічах, а таксама на тэрыторыях Баранавіцкага і Ляхавіцкага раёнаў. Супраць мужчыны распачалі крымінальную справу за хуліганства паводле ч. 1 арт. 339 КК.

Таксама вядома, што Бранавіцкі падпісваў ліст аб спыненні рэпрэсій ад імя спартоўцаў у канцы жніўня 2020 года.

У судзе Баранавіцкага раёна 6 верасня 2022 г. вынесены прысуд: Уладзіміра прызналі вінаватым і асудзілі да аднаго года зняволення ў калоніі ва ўмовах агульнага рэжыму.

На пачатку лістапада 2022 г. Уладзіміра этапавалі з СІЗА-6 у магілёўскую ПК № 15.

13 красавіка 2023 г. палітвязень выйшаў на волю, цалкам адбыўшы тэрмін.

Баранавіцкага "Мірона" асудзілі за развешванне бел-чырвона-белых сцягоў

Ад паслуг адваката Бранавіцкі адмовіўся, сваю віну у судзе цалкам прызнаў. Падчас судовага следства абвінавачаны патлумачыў, што перасоўваўся па тэрыторыі раёна на ровары. Самастойна вырабіў адмысловае прыстасаванне з зачэпам і шпагатам, з дапамогай якога закідваў палотнішчы на правады электраперадач.